Des jugemens Nostre Seigneur

/// perdent le tout. Et moult d’aultrez paroles [?] lui dist tant qu’il remist l’hermitte en bonne volenté et se confessa et le repentist de ce qu[?il av]oit eu enpensé et plouroit et estoit en moult grant repentanche. Quant l’angle le vist en la [?], il le bouta en la mer, qu’il ne luy donnast [?] point de garde, sy fust noiez. Quant l’aultre hermitte, qui estoit venus aveuc l’angle, vit ce, sy ot grant peur et s’en vault fuir, qui cuidoit que che fust ung dyable en forme d’homme, et l’angle lui dist : « N?ayez mye peur. Or t?ay monstray ung des jugemens Nostre Sire ». Le lendemain, se herbegerrent sur ung aultre hermitte qui les recheupt a grant joye et lez fist boire a ung hanap d’argent qu’il avoit. Quant ilz s’en deurent aler, l’angle luy embla son hanap d’argent, et le mucha en son sain. Le tiers jour se herbegerrent sur ung malvaiz chevalier, robeur et eschilleur de gens; la furent laidement recheups et leur dist assez de villenies. Touteffoiz leens furrent logiés. Lendemain au partir, l’angle donna a che malvais chevalier le hanap d’argent qu’il avoit emblé. Quant son compaignon vit ce, sy en avoit grant desdaing et en murmuroit en son coeur. Au quart jour se herbegerrent sur ung aultre chevalier qui assés a paine les vault rechepvoir. Touttefoiz quant ilz lez ot herbegiet, il leur fist assez bonne chiaire et assez bien les ama. Au partir, sy dist l’angle a ung moult biaux [f. 1v] filz que le chevalier avoit - et plus d’enffant n’avoit ? qu’i les convoiast et monstrast la voie. Ainsi come l’enffant les convoioit, l’angle le prist et l’estrangla et le getta tout mort en une fosse. Adonc s’en commencha l’hermitte a fuir et dist qu’il n’estoit mye angle maiz estoit ung dyable. Touttefoiz l’angle le rappella et il retourna. Et puis sy alerrent sur ung preudhomme qui moult bien et volentiers les recheupt. Maiz lendemain au matin, ainsy comme le varlet de leens les convoioit par dessus ung pont, l’angle le bouta du pont en l’iaue et le noyat. L’hermitte ne savoit que faire ne que dire, tant estoit esbahy des merveilles que cheluy faisoit et dist que en nulle fin il n’yroit plus aveuc luy. Adonc luy dist l’angle : « Or t?ay, dist-il, monstré les jugements Nostre Sire dont tu estoie en erreur, et les faiz qui aviegnent. Or te diray pour quoy il avient ainsy. Le premier hermitte que je bouté en la mer et noyay, je le gaignay a Nostre Sire car s’il fust demouré en vie, il s’en fust retourné au ciecle et fust dampnés. Et je le prins en bonne repentanche, sy est alez droit en paradis qu’il n’a eu aultre penitance que la mort. Quant vous verrés donc ung homme qui ara mené bonne vie et sainte, et vous verrés qu’il morra d’aulcune laide mort, vous ne devés mye jugier ne dire qu’il soit dampnez ne que Dieu le hee comme font moult de gens. Maiz debvez [f. 2r] penser que Dieu l’a fait pour son prouffit, car sachiés, Dieu prent ses amis quant il voit que la vie leur est perileuse au lieu la ou il les treuve en melleur estat, ou en leur lit ou aux champs ou ailleurs, comme il fist cel hermitte qu’il l’avoit servi XL ans. Aprés, luy dist l’angle, l’aultre hermitte a qui je emblay son hanap, sy est un homme moult preudhomme et de moult grans orisons. Le diable, pour luy empeschier, procura que ung riche homme luy donna ce hanap sy que, quant le preudhomme debvoit estre en prieres et en orisons, sy luy sovenoit de son hanap. Sy pensoit qu’il en feroit et se doubtoit que on ne luy emblast et le menniot souvent et remuoit et ainsy le empeschoit son hanap a servir Dieu si comme il avoit acoustumé. Et pour ce je luy ay osté et luy ay fait grant prouffit car il se mettera a ses orisons et a bien faire comme devant. L’aultre homme, a qui je donnay le hanap, sy est ung malvaiz homme plain de pechiés qui n’est mye digne d’avoir paradiz ; et pour ce que nulz ne fait sy petit bien que Dieu ne luy rende ou en ce monde ou en l’aultre, pour ce luy donnay je le hanap pour le loier qu’il nous avoit herbegiet, ne jamaiz ne en ara aultre loier. Et ainsy fait Nostre Sire a cheulx et chelles qu’il ayme et qui sont eslus a sa part, ilz les tient communement en povreté. Je appelle povreté, quant on a souffissament sa vie et encore a grant [f. 2v] paine et sy leur vient aulcunes foiz aulcunes richesses ou aulcunes choses ou Dieu voit qu’[il] mettent leurs coeurs, sy leur oste et leur est toute penitance, quanques ilz soeuffrent, s’ilz le prendent en gré. Maiz aux malvaiz que Dieu voit bien qu’i les a perdus, sy leur done pour aulcuns biens qu’ilz font aulcunes foiz les grant richesses et les honneurs, et c'est tout le loier qu’il en aront. Et ainsy Dieu donne souvent pour le paier en ce monde, comme fist l’angle au malvais chevalier et tant aux povres qu’ilz les voeult paier de la joye de paradiz. Aprés, dist l’angle, l’aultre chevalier a qui je tué son filz, avant que Dieu luy donnast che filz, il estoit grant amonnier et faisoit moult de biens et estoit moult preudhomme et ne pooit avoir nulz enffans. Sy prya aux hommes de religion qu’ilz priassent Nostre Sire qu’il luy donnast ung hoir. Sy luy donna cel enffant que je tuay, et en ce que je le tuay, j’ay sauvé et gaigniet a Dieu l’ung et l’aultre. Car le pere, quant il ot cel enffant, sy laissa a faire les ausmones et lez biens qu’il avoit acoustumés et cheït en avarice et se mist a faire moult de maulx et a convoitise de amasser pour son filz faire riche, come moult d’aultrez font qui se dampnent pour leurs enffans, et ainsy se l’enffant fust demouré en vie, ilz eussent estés tous deulx dampnez : le pere, pour la convoitise la ou il estoit mis; le filz qui eust prins example au pere et eust mené malvaise vie. Or ay l’enffant tué avant qu’il fust en pechiet mortel, sy est sauvé en paradiz. Et le pere, [f. 3r] quant il se verra sans hoir, sy se remetera as bonnes oeuvres faire comme devant. Et ainsy ay fait le pourfit de l’ung et de l’aultre. Le varlet qui nous convoioit, que je bouté du pont en l’iaue et fust noyet, il avoit empensé de tuer son maistre et l’eust tué lendemain. Et ainsy je delivré nostre bon oste de la mort et le varlet n’ara mye sy grant paine en enfer ne ne sera my sy tourmenté comme il fust s’il eust tué le preudhomme. Quant l’hermitte ot tout ce veü et oy, sy fust tout ayse et hors de malvaises pensees et s’en retourna a son hermitage loant Dieu, et l’angle s’esvanuit. Toutteffoiz qu’il vous verra aulcun meschiet ou de corps ou d’avoir, sy ne murmurés mye contre Nostre Sire, maiz faittes lirre ceste example devant vous, vous y trouverés grant confort; et en rendés gracez a Nostre Sire. Car sachiés les tribulacions et les contraires, qui aviennent en terre, sont moult pourfitables a l’ame et a cheulx qui les prendent en gré. Et est la voie de paradiz par laquelle tous les sains sont alés et Jhesucrist meismes, et par celle voye il couvient aler tous ceulx qui y vont, si comme vous orrez cy aprés, se Dieu le nous consent.

Le début du récit est tronqué. Ce légendier suit la composition de la Legenda aurea tout en omettant et en ajoutant de nombreuses vies (pour cela, consulter la base informatique Jonas de la section Romane de l’IRHT). Ce recueil de vies de saints, qui s’étend du feuillet 25r au feuillet 218r, est encadré d’exempla : au début du manuscrit, du feuillet 1r au feuillet 6v, trois contes du salut précèdent les divers tourments du livre des visions saint Pol ainsi que le purgatoire de saint Patrice; à la fin du manuscrit, à partir du feuillet 228r jusqu’au feuillet 235v, les deux derniers feuillets étant consacrés aux dîmes, se trouvent huit exempla.

• angeangelEngelángelangelo
• ErmitehermitEinsiedlereremitaeremita
• voltheftDiebstahlrobofurto
• noyadedrowningErtränkenahogamientoannegamento
• MeurtreMurderMordcrimenassassinio
• PéchéSinSündePecadoPeccato
• écuyerSquireSchildträgerEscuderoScudiero
• ChevalierKnightRitterCaballeroCavaliere
• EnfantChildKindNiñobambino
• VoleurThiefDiebladrónladro
• ParadisHeavenParadiesParaísoParadiso

Tubach Frederic C., 1969. Index exemplorum. A Handbook of medieval religious tales, Helsinki.:

• #2558 : Hermit and angel I (Parnell’s Hermit). A angel convinces a hermit of God’s justice. Aev. # 100; Alpha # 411; EdeB # 396; Enx (G) # 161; Gesta (l) # 220; Gesta (O) # 80; H8 # 37; H54 # 88, H469 # 41; H474 # 48, H584 # 34, H648 # 6, H691 # 58; JVitryCrane #109; Katona # 80; Klapper, Erz. # 110, # 210, # 211; ML # 79; Odo (P) # 115 (Herv. IV, 309); Pelbart # 321, # 331, §403; Recull # 358; Wright # 7; Aa Th.: 795; S.T.: J225.0.1, J225.3., J225.4, J225.5, Q34.– Andrae, Rom. Forsch. XVI, p. 330; Basset, Mélusine 11 (1884 85), col. 444-446, Mélusine III (1886 87), cols. 258 260; BP IV, 325; Born Iudas III, 367; Crane, Mod. Phil. IX, 232; Dawkins, 45 Stories # 24; Modern Greek Folktales # 84; de Cock, “De mammelokker” 178 199, 312 314; Espinosa, Cuentos II, p. 299; Caster # 393, # 432; Jacob’s Well # 77; Köhler, Kl. Schr. 1.578; Köhler, Mélusine 1 (1878), col 386; Koran XVIII, 64; Krappe, Sources, p. 32 # 232 (161); Liungman # 759; Paris, La Poésie du Moyen Age (1885), pp. 151 187; Schönbach, Die Legende vom Engel und Waldbruder (1901); Schwarzbaum, Fabula III (1959), p. 124, 157; Voltaire, Zadig; Zs. 6, 78; 6, 173; 33, 98. (© Frederic C. Tubach)