Example sur avarice.

On list d’ung moult riche homme qui avoit trois enffans masles, dont les deux estoient mariés et le plus josne non. Advint qu’il fust malades et cuida morir. Il appella ses trois filz et dist au plus aisné : « Beaux filz, j’ay mis grant paine a toy mettre a honneur. Je te prie que tu me dies quels biens tu feras pour moy aprés ma mort ». Le filz lui respondit : « Je vous promés, beau pere, que [f. 232r] je fonderay une chappelle en laquelle on chantera tous les jours messe pour l’ame de vous ». « Beau filz, dist le pere, vechy belle promesse ». Puys dist au second filz : « J’ay fays tant que tu es riches et bien mariés. Que feras tu pour moy apréz ma mort ? » - « Je vous promés, beau pere, que je fonderay deux chappelles esquelles on chantera tous les jours messe pour l’ame de vous. Et au milieu des deux chappelles, je fonderay une maison en la[quelle] les povrez seront herbegiez, qui prieront [Dieu] pour vous ». « Beau filz, dist le pere, vechy tréz belle promesse ». Puis dist a son petit filz : « Que feras tu pour moy quant je seray mort ? ». Il lui respondit : « Je vous promés, beau pere, que je feray autant tout seul comme mes deux freres ». « Comment le porroies tu faire, dist le pere, quant tu ne es point mariés ne sy riche comme ilz sont ? ». « Mon pere, dist-il, je le feray bien, car de tout ce qu’il vous ont promis, ilz n’en feront riens. Et pour ce dy je que je feray autant tout seul comme ilz feront ceulx deux. Pour quoy, pere, ne vous attendés point a nous, tant comme vous estes maistres du vostre, mais en faittes du bien pour vostre ame. Plusieurs qui attendent jusques a la mort a faire bien pour leurs ames et donnent et ordonnent donner biens pour leurs ames, pour ce qu’ilz ne les poevent emporter, et quant leurs hoirs voient qu’ilz font grans testamens et grans ordonnances, ilz leur dient : « Laissiéz chella, pensés de garir. Vous ne morrés point de ceste maladie, et se vous en morés, nous en ferons plus que vous ne dittes. Et quant ilz sont mors, ils en font peu ou nyent ». Ainsy sont de ceulx les folz, et pour ce dist saint [f. 232v] Augustin : « Ne actendés point jusques a la mort de vous amender ne de faire du bien pour vos ames, car la maladie vous prendra d’unne part vos amis et le monde de l’aultre ». Ainsy serés vous atrappés de toutes pars, sy que peu ou neant vous souvenra de vostre ame. Aulcuns sont que, s’ilz ont blés, vins, fruis ou aultrez choses que on puist mengier ou aulcunes vestemens ou çaussures, ilz les lairont avant pourrir ou aler a mal, que ce qu’ilz les donnent a leurs propres voisins ou aux aultrez povrez pour l’amour de Dieu. Je ne dis point que ce ne soit bien fait de bien garder le sien par raison, mais c'est malvaise avarice et pechiet de tant garder la chose qu’elle soit pourrie et que nulz ne s’en puist aidier ». ~ ~

• AvariceAvariceHabsuchtAvariciaAvarizia
• PèreFatherVaterPadrePadre
• FilsSonSohnHijoFiglio
• dialoguedialogueDialogdiálogodialogo
• MortDeathTodMuerteMorte
• parentérelationshipVerwandtschaftparentescoparentela
• MesseMassMesseMisamessa
• ChantSongGesangCantoCanto
• constructionConstructionBauConstrucciónCostruzione
• maisonhouseHauscasacasa
• PrièrePrayerGebetOraciónPreghiera
• pauvrepoorArmerpobrepovero
• EgliseChurchKircheIglesiaChiesa
• PéchéSinSündePecadoPeccato
• NourritureFoodNahrungAlimentoCibo
• célibatcelibacyEhelosigkeitcelibatocelibato
• dongiftGabedondono
• AumôneAlmsAlmosenLimosnaElemosina
• suffragesuffrageZustimmungsufragiosuffragio

Tubach Frederic C., 1969. Index exemplorum. A Handbook of medieval religious tales, Helsinki.:

• #4498 : Sons and father’s soul. A dying rich man asks his three sons what they will do for his soul. The first two promise alms and masses; the third bids his father give alms himself while he is still alive. (See also: 180). H599 # 13, H611 # 70, H649 # 24, H695 # 29. (© Frederic C. Tubach)