О славе небесней и радости праведных вечней. Некий совершенный в добродетелех инок вниде в размышление, хотя ведати о славе небесней, и како тысяща лет пред господем яко день един. И о сем ему непрестанно пекущуся и молящуся усердно. И некогда стоящу ему в церкви и о сем размышляющу, видит: и се влете некий малый и зело прекрасный птищ и таковы благолепный, иже и поятию человеческаго разума непостижный. Инок же зело птищу удивися и желанием уязвися, хотя разсмотрити красоты его, и прииде близ того, птищ же отлете. И той шествуя по нем, и птищ излете на праг церковный, и старец приближися к нему, и птищ излете из церкви, и старец изыде. И показася ему, яко бы изшедши точию вне монастыря, и бе ту прекрасных цветов поле и древне чудное. И птищ возлете на древо, нача чудно и сладкопеснено пети, яко в забытие прийти иноку: не ведый колико стоя, токмо радуяся и веселяся птища красоте и песней и оному чудному и цветовидному полю, мняше точию, яко между святыя литургии и трапезнаго вкушения медлению быти. И тако 23 об. птищ той, пев, вне явления претворися , инок же обретеся у врат монастыря и хотя внити, и не познавше вратника, такожде и вратник не знаяши его и не даяша внити в монастырь, нарицая его странна инока. Инок же прящеся и извествуя, яко точию по святей литургии на мало время вне монастыря изыде. Вратник же рече: «Аз не видех тя, когда изшел еси, ниже знаю тя, кто еси». И тако много им о сем прящимся. По сем нача молити старец, да известит о нем наставнику отцу игумену, и той извести. И прииде игумен ко вратом, нача вопрошати его, кто есть и коего жительства и обители. Старец же нача глаголати: «Аз, отче, рече, в сий день по святей литургии изыдох и точию малое время вне монастыря пребых и есмь аз сея святыя обители». Игумен же рече: «Аз тя не знаю — не точию зде, ниже такова и в окрестных лаврах, ниже во отшельниках когда видех». Инок же рече: «Да ты, отче, он сый отец наш?» — имя рек того же, иже при нем бе. И рече игумен: «Ни, чадо, сий, о нем же глаголеши, прежде многих лет бысть,— яко же повествуют книги, триста лет уже минуло по смерти его. Но мню, яко от бога совосходит о тебе к пользе нашей. Повеждь о себе, кто еси и что ти случьшася?» И нача старец все о себе подробну извещати, како живый во оной обители и прииде в размышление о сладости праведных по смерти и о славе небесней, и что есть тысяща лет пред господем, яко день един, и како прекрасный и сладкопеснивый птищ в прекрасное поле изведе его и в какове радости слушая пения его. «И мнит ми ся,— рече,— яко не вяшьши трех часов отнеле же изыдох из сего святаго монастыря». Игумен же прозорлив сый разуме, что ему бысть, удивися зело величию божию и возрадовася душею и рече: «Преблажен еси, господине отче, великий благодати удостоился еси от бога, еже видети славу и веселие праведных, иже триста лет за три часа не вмениша ти ся». И восприем его введе в монастырь и созва братию, повеле паки вся яже о себе сказати. Сия братия слышавше, в радости и умилении начаша многи слезы проливати и тоя славы приложиша к трудом доступати. Старец же оный пребы точию три дни в монастыре и преставися в совершенную и вечную радость, иже уготова бог любящим его.

Wielkie Zwierciadło Przykładów [ed. Kraków, 1621], Chwała niebieska, XXI.

• OiseauBirdVogelPájaroUccello
• ParadisHeavenParadiesParaísoParadiso
• MoineMonkMönchMonjeMonaco
• tempstimeZeittiempotempo
• VisionVisionErscheinungVisiónVisione
• jardingardenGartenjardíngiardino

Tubach Frederic C., 1969. Index exemplorum. A Handbook of medieval religious tales, Helsinki.:

• #3378 : Monk Felix. (Var.) Monk Felix listened to the song of a bird for 300 (100; 200) years. When he returned to the monastery to sing mass, he was no longer recognized by the monks. (See also: 780). Aev. # 43; Enx (G) # 110; H67 # 85, H326 # xxvii, H328 # 10, H332 # 10, H335 # 21, H391 # 299, # 300, H461 # 61, H474 # 42, H493 # 178, H560 # 4, H580 # 74, H593 # 121, H616 # 143; JVitryFrencken #19; JVitryGreven #19; Klapper, Erz. # 167; ML # 154; Nicole # 90b; Odo (P) # 78 (Herv. IV, p. 295); Pauli # 562; Pelbart # 239.– Chauvin VIII, pp. 102 105; de Vooys, pp. 35, 315; Gaster # 404; Germania IX, p. 265; Herrig, p. 277; Köhler, Kl. Schr. II, 239 240; Krappe, Sources, p. 29 # 181; Longfellow, Golden Legend; Röhrich, ch. VII; Romania V, 473 485; Rom. Forsch. XXVII, p. 353; Zs.f d.Ph. VI, p. 439. (© Frederic C. Tubach)