О чести иерейской и еже на них не изрицати осуждения и клевет. Егда изыде первейшаго христианом царя повеление к низложению злочестиваго Ария, тогда сошедшеся священноначалнейших сословие, и яко же при Иове посреде ангел бе диавол такожде и между ими, ариева чада, слузи же диаволу, духом злобы наполнени и учением еретичества заражени, и церковь божию и мя господа нашего Иисуса Христа паче еллинских царей гонивши епископа ариевы части: Евсевий Накомидийский, Евсевий же Неокесарийский, Феогний Никийский, Имарин Халкидонский — волцы потаеннии. Сии хотевши деяние собора и суд на Ария испроврещи и святыя отцы царю Константину ненавистных явите. Язык клеветами поостриша и множество сумпликацеи со многими клеветами царю принесоша, многая преступства и падения ко извержению вписаша и суда прошаху; и принуждаху царя, да повелит тыя прочитати. Доброразсудный же муж и православный царь наглость их изрядно и памяти достойно отреши, призвав сих всех вкупе, тако к ним рече: «Мне недостойно и неудобно судити священный чин: бог на дело свое сих освяти и постави и строительми тайн своих, даде же и власть да и нас самих судите, и довлеет вам. Сами же от человека судими быти не можете. Не буди мне сие, не буди, еже преступства иерейская ведати, да не присутствен буду иным соблазна ниже образ буду сомнения. Но аще бы аз и своима очима видел епископле падение, прикрыл бы убо его моею порфирою». И сия изглаголав, повеле все тыя сумпликацыи пред всеми сожещи, являя, яко не точию словесе слыша, ниже им прикоснуся, повелевая соборное счинение безпреткновенно творити.

Ce récit est sans doute un ajout de la traduction russe à partir de sources occidentales ou byzantines.

• arianismearianismArianismusarrianismoarianesimo
• ConstantinConstantineKonstantinConstantinoCostantino
• PrêtrePriestPriesterSacerdotePrete
• JugementJudgmentUrteilJuicioGiudizio