Како Максимилиан первый кесарь римский виде диавола, седяща на плещу развратника Мартина Лютора. Егда кесарь Максимилиан первый того имене во Ошкургу советование свое царское правя и в год его царского обеда дверем сущим отверстым полаты тоя, идеже кушал, всякому внити невозбранно повелевая, тогда во множестве иных в столовую ону полату вниде Мартин Лютор. Кесарь же присмотрися и уведа, кто сей есть, нача позирати нань, посем прилежнее зря, рече к некоему от предстоящих и от ближних человеку сущу чином кравчему: «Иди и ближае приступи ко оному мниху, указуя на Мартина, и смотри прилежно от главы до ножных стоп его и от стоп до главы со всяким прилежанием зри и еже узриши новеждь ми». Великий же он кесарьский ближний человек шед со всяким прилежанием оглядав Мартина, прииде возвещая: «Видех,— рече,— человека во образе мниха, что же есть в сердцы его и во умысле чинит, сего уведати не могу». Кесарь же паки яко первое повелевает, великий же он человек второе присмотрися и такожде по первому виду отвеща. Паки глаголет ему кесарь: «Милости ради благаго бога сотвори, яже ти повелеваю, и еже узриши яже окрест его скажи ми». И той иде и прииде возвести, яко ничтоже узрех. Тогда рече кесарь: «Аще еси не видел ниже видети можеши, то аз еще вижду, за еже благость божия откры ми,— сказую вам: вижду злаго демона, мрачнаго нечистаго духа на плешу оного мниха седяща, и ты сего в животе своем достигнеши, аз же первее умру. Сей монах проклятый велие сотворит Христианом развращение и многи отторгнет от благочестия и великое содеет несогласие». Человек же он великочестный и инии мнози великия князи, приседящии кесарьстей трапезе приемше сие, в книги вписаша, последи же збысться провозвестие сие, егда изыде от лютого того тминьское многое развращение слабое же и удобопадежное учение.

Wielkie Zwierciadło Przykładów [ed. Kraków, 1621], Diabeł, XXII.

Il s'agit d'un exemplum clairement anti-protestant (remontant à la traduction polonaise ?) mettant en scène l'empereur Maximilien (1459 - 1519).

• empereuremperorKaiseremperadorimperatore
• Martin LutherMartin LutherMartin LutherMartín LuteroMartin Lutero
• DiableDevilTeufelDiabloDiavolo
• têteheadKopfcabezatesta
• VisionVisionErscheinungVisiónVisione
• RéformeReformReformReformaRiforma