Яко подобает учтивость соблюдати и стыд хранити. Максимиан Ракушенин первый того имени кесарь Римский, таковые бе опасности, чести же, и учтивости и стыда хранитель, иже ни един кто от ближних его и викуларей естественных природных употреблений когда виде, и не точию ветхая изницая, но и внегда воду испушая. И тогда, егда прииде нань великая болезнь, едва производил, дабы доктури урину его видели. И егда прииде время кончины его, разряжая сам о себе, что о нем творити. и завет полагая о души своей, и како погребсти тело его, и последи всех сих заповеда под клятвою, да никако же зрят наготу его. И при исхождении души повеле принести исподнюю срачицу и протчая, повеле всем изыти, сам на ся вся та облече, да никако кто узрит лоно его. Да услышат сие множество христиан, да устыдятся же и убоятся, яко коль далече отстоят от сея боголюбной учтивости, но во обычаях безсрамия естественный зазор попирающи, зело бога стыд вложившаго оскорбляют, безстыдно пред многими наготу свою показуют, пред богом и ангелы его безобразуют, ибо тело храмина есть души, душа же кому сообразна? Еще же и потребы своя, здрави сущи и силни, без-стыдно скотски исполняют, не ведуще или презревше, коего достоинства и тело порождение крещения и въсыновления, и да слышат учение великаго во учителех Иоанна Златоустаго сице вещающа: «Стыдение и учтивость содружественница богу и ангелом его, безобразие же и безстудство и безсрамие и наглость — присвоятелница блудником и блудным женам и нечистым бесом».

Magnum speculum exemplorum [ed. Cologne, 1610], Honestas, 1.

• empereuremperorKaiseremperadorimperatore
• ChastetéChastityKeuschheitCastidadCastità
• nuditénudityNacktheitdesnudeznudità
• MortDeathTodMuerteMorte

Tubach Frederic C., 1969. Index exemplorum. A Handbook of medieval religious tales, Helsinki.:

• #1488A : Details for this Tubach reference were not found in catalogue.Les détails pour cette références à Tubach n’ont pas été trouvés dans son index.Details zu dieser Tubach-Referenz wurden im Katalog nicht gefunden.I dettagli per questo riferimento a Tubach non sono stati trovati in questo repertorio.Los detalles de esta referencia de Tubach no se encontraron en el catálogo.