Некий царь именем Роберт боязни ради и басен бабъских помазания елея не хоте прияти. Царь Римский Роберт прежде приятия чести величества от крещения же зовом Климон, сии речь ласковый, и воистинну яко именем, тако и делом всякия благости исполнен бе сей. По многих же добродетелех достохвалнаго жития и царьствия своего, в тяжкой болезни, к сему прииде мало от сатаны не прельщен; ибо егда впаде в сию тяжкую и смертную болезнь, и тайн пречистых тела и крове спаса нашего причастився, помазания же елея день от дне отвлачал и совершенно не хоте сего, ибо не вем како внуши бесовскую прелесть и припинание. Се есть еже неции глаголют блядиво и держат и веруют противу благочестию, иже конечно той приневолится умрети, кто святым елеом помазан будет. Того ради и царь отщетеваяся сего, бояся смерти, но учителие яко божия закона, тако и человеческаго нрава, сии речь доктори, непрастанно ему вспоминаху, дабы сомнение злое отложил и избавителнаго души лекарства и тела прияти не отрицался. И помалу, богу хотяшу, по благости его, восприяша иже желаше. И егда при собрании многих любочестных священников царь помазан и молитвы принесошася о отпущении грехов и о исцелении тела, рече с великим веселием и радостию многою: «Воистинну аще бы ведал, яко тайна сия силою своею пристигает до обоего человека, яко же слышу, издавна бы сию святую тайну с вящим благоверием желал», ибо учен бе добре. Того часа уздравися, чрез долгий век доброчестно и праведно господьство римское управлял и на остаток, в добрых делех непрестанно пребывая, благополучно скончася.

Il s'agit d'un ajout par rapport au texte latin et à la traduction polonaise. Le roi Robert de Rome n'est pas attesté.

• SacrementSacramentSakramentSacramentoSacramento
• erreurerrorIrrtumerrorerrore
• MaladieIllnessKrankheitEnfermedadMalattia
• guérisonrecoveryGenesungcuraciónguarigione
• RoiKingKönigReyRe