Dialogus miraculorum [Strange, 1851]: IV, 79

StatusÉtatZustandStatoEstatus:

IdentifierIdentifiantIdentifikationsnummerIdentificatoreIdentificador:

TE018498

How to citeComment citerZitierweise fürCome citareCómo citar:

ExemplumExemplumExemplumExemplumExemplum

CollectionRecueilSammlungRaccoltaColección:

Dialogus miraculorum [Strange, 1851] (TC0142)

AuthorAuteurVerfasserAutoreAutor:

Caesarius Heisterbacensis

SummaryRésuméZusammenfassungSommarioResumen:

(Fr.) Un simple moine dit une bonne parole à la demande de Henri, moine cistercien, devenu évêque d’Albano et cardinal: « Les cisterciens seront examinés par saint Benoît à la porte du paradis, il fera entrer les moines mais Henri, évêque, sera examiné plus sévèrement, il n’entrera que si on trouve dans son ventre la nourriture des moines, légumes, fèves, pois. »

CommentaryCommentaireKommentarCommentoComentario:

Henri de Marcy (v. 1135- 1189), abbé de Hautecombe, puis de Clairvaux, cardinal-évêque d’Albano en 1145.

KeywordsMots-clésStichwörterParole chiavePalabras claves:

Original textTexte originalOriginaltextTesto originaleTexto original

CAPITULUM LXXIX De sermone monachi illiterati ad Henricum Cardinalem Albanensem..

Sanctae recordationis dominus Henricus Albanensis Episcopus et Cardinalis, anno Domini millesimo centesimo octogesimo octavo missus a Clemente Papa temporibus Frederici Imperatoris praedicare crucem in Alemannia contra Sarracenos, quosdam sibi monachos terrae nostrae ordinis Cisterciensis socios itineris assumsit. Die quadam cum simul equitarent, et ipse diceret in generali : Quis vestrum dicet nobis aliquid boni? respondit unus: Ille, demonstrato quodam monacho laico, cuius nomen excidit. Et praeceptum est ei statim a Cardinale, ut verbum proponeret exhortationis. Ille primum se excusans, dicens laicum non debere literatis aliquid loqui, tandem sic exorsus est: Quando mortui fuerimus et deducti ad paradisum, occurret nobis sanctus pater noster Benedictus. Visis nobis monachis cucullatis, cum gladio introducet; viso vero.Henrico Episcopo et Cardinale, mirabitur infulatum eum, et dicet: Quis enim es tu? Et ille: Pater, ego sum monachus Cisterciensis. Respondebit sanctus: Nequaquam; monachus corniculatus non est. Tunc Henrico satis pro se allegante, tandem huiusmodi data sententia, dicet ostiariis sanctus Benedictus: Ponite eum supinum, et stomachum eius scindentes aperite. Si inveneritis ibi olera incondita, fabam, pisam, lentem, pultes cibosque regulares, cum monachis intromittatur; sin autem, scilicet pisces grossos et cibos saeculares atque delicatos, foris maneat. Deinde conversus ad Cardinalem, subiecit: Quid illa hora dicturus es, pauper Henrice? Ad quod verbum Cardinalis subridens, sermonem commendavit. Ego eundem venerabilem Episcopum et mnonachum in ecclesia sancti Petri Coloniae adhuc puer audivi crucem praedicantem, et plurimos ibidem vidi signantem, eratque vir iustus et sanctus, manus suas ab omni munere excutiens, et tam verbo quam exemplo multes aediflcans.
NOVICIUS: Recordor superius te dixisse, iniquitatem Sodomae fuisse saturitatem panis et abundantiam.
MONACHUS: Verba sunt Ezechielis Prophetae. Ut ait Moyses, antequam subverteret Dominus Sodomam, omnis eius regio irrigabatur sicut paradisus Dei, et sicut Aegyptus eratque nimiae fertilitatis. Unde quia Sodomitae comessationibus vacabant, per libidinem exfluebant. Gula luxuriam plurimum accendit.
NOVICIUS: Quid ergo? Estne periculosum, si monachus pane saturaretur?
MONACHUS: Quod superius dixi de lenticula, hoc modo dico de pane. In pane Sodomorum, eo quod cibus sit principalis, intelligitur copia omnium cibatiorum, quo illi abundabant. Punis vero noster, quia grossus est et niger, magis est necessitatis, quam superfluitatis, et puto magis monachum peccare, si illum abhorreat vel delicatum requirat, quam si eo satietur. Maxima quandoque in pane solet esse tentatio.

From:

Strange Joseph, 1851. Caesarii Heisterbacensis Monachi Ordinis Cisterciensis Dialogus Miraculorum. Textum ad quatuor codicum manuscriptorum editionisque principiis fidem accurate recognovit Josephus Strange., Köln-Bonn-Brüssel, vols. 2.

ReferencesRéférencesReferenzenRiferimentiReferencias

Tubach:

Tubach Frederic C., 1969. Index exemplorum. A Handbook of medieval religious tales, Helsinki.:

#1114 : Clothes, rich, unacceptable. A illiterate monk is asked by a cardinal to preach a word of exhortation during a journey. The monk tells of the cardinal’s arrival in paradise and of his not being admitted because of his fancy clothes and the rich foods in his stomach. Alpha # 350; CHeist-IV #79; H356 # 64, H651 # 54; Recull # 302.– Espinosa, Cuentos II, p. 310. (© Frederic C. Tubach)

Related worksTextes apparentésVerwandte TexteTesti correlatiTextos relacionados:

Thomas de Cantimpré, 1627. Bonum universale de apibus, Douai. 1, 7, 3.
Arnoldus Leodiensis, 2015. Alphabetum narrationum, Elisa Brilli (éd.), Turnhout, Brepols. 355.
Blangez Gérard (éd.), 1978. Ci nous dit. Recueil d'exemples moraux, Paris, vols. 2. 162.
VI, 47.
Major J., 1611. Magnum speculum exemplorum, Douai. Gula, 14.

Manuscripts / editionsManuscrits / éditionsManuskripte / AuflagenManoscritti / edizioniManuscritos / ediciones:

Strange Joseph, 1851. Caesarii Heisterbacensis Monachi Ordinis Cisterciensis Dialogus Miraculorum. Textum ad quatuor codicum manuscriptorum editionisque principiis fidem accurate recognovit Josephus Strange., Köln-Bonn-Brüssel, vols. 2. vol. 1, p. 246-247..

ImagesImagesBilderImmaginiImágenes (0)

Exempla in this collectionExempla dans le même recueilExempla in derselben SammlungExempla in questa stessa raccoltaExempla de la misma colección:

Download this exemplum asTélécharger le fichier de cet exemplum au formatLaden Sie die Datei dieses Exemplums im FormatScarica questo exemplum comeDescargue este documento en formato:

Download the complete collection of exemplaTélécharger la collection complète des exemplaLaden Sie die komplette Sammlung von Exempla herunterScarica la raccolta completa di exemplaDescargue la colección completa de exempla

Les exempla du ThEMA sont mis à disposition selon les termes de la Licence Creative Commons Attribution - Pas d’Utilisation Commerciale - Partage dans les Mêmes Conditions 4.0 International.ThEMA exempla are made available under the Creative Commons Attribution-NonCommercial-ShareAlike 4.0 International License.ThEMA exempla werden unter der Creative Commons Namensnennung - Nicht-kommerziell - Weitergabe unter gleichen Bedingungen 4.0 International Lizenz.Las exempla de ThEMA están puestas a disposición en el marco de la Licencia Creative Commons Atribución-NoComercial-CompartirIgual 4.0 Internacional.Gli exempla del ThEMA sono messi a disposizione secondo i termini della Licenza Creative Commons Attribuzione - Non commerciale - Condividi allo stesso modo 4.0 Internazionale.