Thesaurus Exemplorum
Medii Aevi
Dialogus miraculorum [Strange, 1851]: VI, 34
ExemplumExemplumExemplumExemplumExemplum
Villers, abbaye cistercienne en Brabant.
- BourgeoisBurgherBürgerBurguésBorghese
- ArgentMoneyGeldDineroDenaro
- CrimeCrimeVerbrechenCrimenassassinio
- MeurtreMurderMordcrimenassassinio
- servantemaidservantMagdcriadaserva
- raptkidnappingEntführungraptoratto
- simplicitésimplicityAlbernheitsimplezasimplicità
- innocenceinnocenceUnschuldinocenciainnocenza
- LumièreLightLichtLuzLuce
- martyremartyrdomMartermartiriomartirio
- MiracleMiracleWunderMilagroMiracolo
- TombegraveGrabTumbaTomba
Original textTexte originalOriginaltextTesto originaleTexto original
CAPITULUM XXXIV De passione Margaretae virginis Lovaniensis.
Circa eadem tempora civis quidam Lovaniensis cum uxore sua rebus ordinatis ad
Vilarium domum ordinis nostri se transferre disposuerat. Erant autem ambo
religiosi et religiosorum susceptores devoti. Habebant secum puellam adultam
cognatam suam, quae loco ancillae tam ipsis quam hospitibus, sicut testes sunt
conversi nostri, satis simpliciter ac diligenter ministrabat, et nomen virginis
Margareta. Scientes homines quidam maligni pecuniam illos habere collectam, eadem
nocte, qua de mane erant profecturi, circa octo domum illorum sero ingressi, quasi
cum eis hospitaturi, dictam
puellam pro vino miserunt. Interim dominum et dominam totamque familiam ibidem
repertam occiderunt, et sublatis omnibus,
puellam cum vino reversam secum educentes, domum quandam satis a civitate remotam
simul ingressi sunt. Quae cum tristis sederet, et hi qui in domo erant aestimarent
quod vi rapta esset, duxerunt illam ad fluvium. Cui cum quidam ex latronibus
compaterentur, et diceret unus,
sinite, eam vivere, et ego ducam illam uxorem; non consenserunt, timentes per eam
prodi. Addentes autem portioni unius decem marcas, ut eam occideret, ille agnam
simplicem suscipiens, tanquam crudelis carnifex, prius desecto eius gutture,
cultrum lateri moribundae infixit, sicque hostiam Deo viventem in flumen proiecit.
Hospita vero domus, quam intraverant, latenter egressos secuta, quae facta sunt
vidit. Mane tam exsecrabili facinore cognito, turbata est civitas, quaesiti sunt
latrones, sed non inventi. Consideratis occisorum corporibus, quaestio habita est
de puella. Cuius corpus cum piscatores post dies aliquot invenissent, nec tamen
prodere praesumsissent, timentes sibi crimen impingi, in litore sepelierunt. Circa
cuius sepulchrum alii tempore nocturno luminaria videntes, effossam tulerunt
inde Lovaniam, capellulam super eam fabricantes.
Et fiunt usque hodie diversa, meritis eis
exigentibus, miracula tam in loco occisionis illius quam in loco translationis.
Supradictus dominus eius, Amandus nomine, cum uxore monacho cuidam Vilariensi post
mortem apparens, cum de statu suo
interrogaretur, respondit:
Nondum plenam habemus gloriam. Novissime
requisitus de virgine, subiunxit: Quicquid nobis impensum est gratiae, ex meritis
habemus Margaretae, nec audemus respicere ad gloriam, in qua illa est. Cernis nunc
quantum operetur ad martyrium simplicitas et innocentia vitae? Omnes quidem
occisi sunt, sed non omnes miraculis clarescunt. Unde patet quod non poena faciat
martyrem, sed causa.
NOVICIUS: Quaenam exstitit causa martyrii in puella ista?
MONACHUS: Ut iam fatus sum, simplicitas et vita innocua. Diversae sunt species
martyrii, innocentia videlicet, ut in Abel; iustitia, ut in Prophetis et Johanne
Baptista; amor legis, ut in Machabaeis; confessio fidei, ut in Apostolis. Ob
huiusmodi causas diversas agnus, id est, Christus, occisus dicitur ab origine
mundi.
NOVICIUS: Quidam etiam ex nimia simplicitate se ipsos occidunt.
MONACHUS: Tales
a martyrii gloria prorsus immunes exsistunt, nisi per causam impellentem
excusentur. Ecce exemplum.
ReferencesRéférencesReferenzenRiferimentiReferencias
Tubach Frederic C., 1969. Index exemplorum. A Handbook of medieval religious tales, Helsinki.:
- #5096 : Virgin abducted and killed. A virgin was abducted from an inn, killed, and thrown into the river. CHeist-VI #34; H359 # 98. (© Frederic C. Tubach)
- Manuscripts / editionsManuscrits / éditionsManuskripte / AuflagenManoscritti / edizioniManuscritos / ediciones:
-
- Strange Joseph, 1851. Caesarii Heisterbacensis Monachi Ordinis Cisterciensis Dialogus Miraculorum. Textum ad quatuor codicum manuscriptorum editionisque principiis fidem accurate recognovit Josephus Strange., Köln-Bonn-Brüssel, vols. 2. vol. 1, p. 386-387..
ImagesImagesBilderImmaginiImágenes (0)
Exempla in this collectionExempla dans le même recueilExempla in derselben SammlungExempla in questa stessa raccoltaExempla de la misma colección:
- TE018665 Dialogus miraculorum: VI, 29
- TE018666 Dialogus miraculorum: VI, 30
- TE018667 Dialogus miraculorum: VI, 31
- TE018668 Dialogus miraculorum: VI, 32
- TE018669 Dialogus miraculorum: VI, 33
- TE018670 Dialogus miraculorum: VI, 34
- TE018671 Dialogus miraculorum: VI, 35
- TE018672 Dialogus miraculorum: VI, 36
- TE018673 Dialogus miraculorum: VI, 37
- TE018674 Dialogus miraculorum: X, 2
- TE018675 Dialogus miraculorum: X, 3
Download this exemplum asTélécharger le fichier de cet exemplum au formatLaden Sie die Datei dieses Exemplums im FormatScarica questo exemplum comeDescargue este documento en formato:
Les exempla du ThEMA sont mis à disposition selon les termes de la Licence Creative Commons Attribution - Pas d’Utilisation Commerciale - Partage dans les Mêmes Conditions 4.0 International.ThEMA exempla are made available under the Creative Commons Attribution-NonCommercial-ShareAlike 4.0 International License.ThEMA exempla werden unter der Creative Commons Namensnennung - Nicht-kommerziell - Weitergabe unter gleichen Bedingungen 4.0 International Lizenz.Las exempla de ThEMA están puestas a disposición en el marco de la Licencia Creative Commons Atribución-NoComercial-CompartirIgual 4.0 Internacional.Gli exempla del ThEMA sono messi a disposizione secondo i termini della Licenza Creative Commons Attribuzione - Non commerciale - Condividi allo stesso modo 4.0 Internazionale.