Caesarius Heisterbacensis, Dialogus Miraculorum

DISTINCTIO PRIMA. DE CONVERSIONE

CAPITULUM XXI De Theoderico et Bernardo monachis, qui ob visionem unius veniae in sepultura mortui conceperunt conversionem.

Frater Theodericus monachus noster, cum adhuc adolescens esset in saeculo, sacerdotem quendam cognatum suum iam novicium visitare venit; sed non ut converteretur venit. Contigit interim fratrem mortuum sepeliri, quo sepulto, cum conventus dicta antiphona, Clementissime. Domine, circa sepulchrum hinc inde cum multa humilitate veniam peteret, diceretque: Domine, miserere super peccatore; ita est compunctus, ita ad conversionem accensus271, ut qui prius a domino Gevardo Abbate admonitus, converti noluerat, ab illa hora ut susciperetur, vix multis precibus272 obtineret. Talem modum suae conversionis saepius mihi recitavit tempore suae273 probationis. Recitavit mihi et274 frater Bernardus monachus noster, in Vilario275 monasterio ad visionem similis veniae primum voluntatem convertendi se concepisse.
NOVICIUS: Miror quod res tam modica tam magnam salutem operatur in anima.
MONACHUS: Quid de hoc miraris? Quantum ad massam, multum modica est pillula, sed quantum ad efficaciam, virtus illius276 maxima; omnes corporis venas percurrit, humores solvit et eiicit, infirmum ad sanitatem convertit277. Si tanta virtus consistit in perceptione unius corporalis pillulae, quare mirari debes, maiorem esse, et ideo maiorem, quia spiritualem, in visione unius veniae278? Audi et aliud.

Notes:
  • 271 DP est accensus.
  • 272 multis precibus om C.
  • 273 suae om C.
  • 274 et om C.
  • 275 C add ordinis nostri.
  • 276 C eius.
  • 277 B convertens.
  • 278 B in unius veniae visione.
Indexed exemplum: TE017850
This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 Ce travail réalisé sous la direction de J. Berlioz, M. A. Polo de Beaulieu et Pascal Collomb est mis à disposition sous licence ETALAB Licence Ouverte 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0
Powered byPropulsé parPowered byPowered byPropulsado para