Caesarius Heisterbacensis, Libri VIII miraculorum

INCIPIT LIBER PRIMUS MIRACULORUM

De ciuibus in Crůche iniuste excommunicatis et miraculo eorum.

Uilla quedam iuxta Bunnam93, oppidum dyocesis Coloniensis, sita est, nomen habens Crůcht94. Huius ciues tempore quodam ab ecclesia Bunnensi, ad cuius archidiaconatum pertinent95, indebite excommunicati sunt. Cognoscentes suam innocentiam, in hoc omnes conuenerunt, ut et ius suum humiliter defenderent et Deo honorem deferendo pro excommunicatis se gererent, ne forte ex superbia incurrerent culpam, ubi culpa non erat. Quando Bunne siue in aliis locis necessaria uite oportebat eos emere, ne ipsos negotiatores sermonibus maculare uiderentur, rem comparando digito demonstrantes pecuniam ante illos posuerunt, mercatum eiusdem ualoris recipientes. Cumque per annos nouem a fidelium communione separati neque ecclesias intrarent neque diuinis sacramentis participarent, Dei dispensatione factum est, ut intra illud nouennium nullus hominum in eadem is uilla nasceretur, nullus moreretur; non enim passus est pius Dominus, ut propter gratiam baptismi siue sepulture a sacerdotibus artati homines innocentes suo iure priuari cogerentur. Predicta uero ecclesia, tanto miraculo compuncta, ligatos absoluit suaque libertate gaudere permisit.

Sacerdotes, licet habeant potestatem ligandi atque soluendi, plurimum tamen cauere debent, ne mortificent per iniustam excommunicationem animas, que non moriuntur, et uiuificent morientes. Quorum tanta est apud Deum potestas, ut, que ab eis fuerint licentiata uel prohibita in terris, rata habeantur in celis.

Notes:
  • 93 Bonn
  • 94 Heute der Kluchter oder Klufter Hof im Süden von Friesdorf (westlich von dem zwischen Bonn und Godesberg gelegenen gotischen Hochkreuz), den König Arnulf an Stift Gandersheim geschenkt, dessen Äbtissin Mathilde aber 1207 gegen eine jährliche Abgabe von Wein Heisterbach überlassen hatte. Heisterbach besaß in 'Cruche' schon 1200 Weinberge und Aecker. Über den Ort, der oft in den Heisterbacher Urkunden genannt wird (s. Schmitz, Urkundenbuch S. 791), vgl. Pohl, Annalen 34 (1879), S. 194 ff.; Schmitz a.a.O. S. 47 f. und namentlich A. Wiedemann, Geschichte Godesbergs und seiner Umgebung, Godesberg 1930, S. 249—26
  • 95 Über den Archidiakonat des Propstes von St. Cassius in Bonn vgl. Fabricius, Erläuterungen V, 1, S. 123 ff. Friesdorf mit dem Kluchter Hof gehörte zu dem Dekanat Ahrgau; s. eb. S. 137
Indexed exemplum: TE004386
This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 Ce travail réalisé sous la direction de J. Berlioz, M. A. Polo de Beaulieu et Pascal Collomb est mis à disposition sous licence ETALAB Licence Ouverte 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0
Powered byPropulsé parPowered byPowered byPropulsado para