Caesarius Heisterbacensis, Libri VIII miraculorum

INCIPIT LIBER PRIMUS MIRACULORUM

Item de hostia a muliere incinerata, cuius medias pars carnea apparuit

In episcopatu Coloniensi iuxta Hamburne22 monasterium ordinis Premonstratensis eodem anno23 contigit simile miraculum in sacramento corporis Dominici. Mulier quedam miserrima eodem modo, quo et prefata, ad duas ecclesias communicans in pascha unam hostiam sumpsit, alteram extrahens maleficii causa panno inuolutam in arca sua reposuit. Die quadam accedens ad arcam, pixidem tulit et hostiam extraxit. Quam cum reuoluto panno considerasset et totam sanguineam repperisset, expauit supra modum. Timens infelicissima prodi et a sacerdote tamquam malefica excommunicari atque puniri, si deprehenderetur, ignem faciens modicum in loco mundo sacramentum cum panno super carbones uiuos posuit et simul utrumque concremauit, cineres uero in alio panno colligens reseruauit. Postea ad se reuersa atque compuncta sacerdotem adiit et, quid commiserit in corpus Dominicum, confessa est, puluerem obtulit, penitentiam suscepit. O mira patientia, o stupenda misericordia Saluatoris nostri: contempnentes se tolerat, prouocantes ei ad penitentiam exspectat. Quid postea factum est, audiant malefici et paueant negligentes et pertimescant. Sacerdos uero sacrum puluerem recipiens, sicut homo negligens negligenter satis iuxta altare posuit, cum tamen magis ac salubrius defuisset in calice uino mixtum sumpsisse uel ad minus iuxta reliquias recondisse24. Contigit die quadam, ut pluribus sacerdotibus consedentibus, ex quibus ipse unus erat, et de huiusmodi sermo haberetur. Quibus cum ipse per ordinem, que supra dicta sunt, tacita persona recitasset, illi ualde turbati tam de stulte mulieris seuitia quam de se sacerdotis negligentia responderunt: "Rogamus, ut ostendatis nobis pannum". Itum est et quesitum uixque inuentum. Tunc omnes premissa oratione cum multo timore ac reuerentia ligaturam panniculi soluerunt, et ecce! iam non puluerem, sed hostiam Christi uirtute redintegratam repetierunt. Uiderunt etiam, quod multo mirabilius erat, inferiorem hostie medietatem totaliter in carnem conuersam, et cum pars superior panis speciem reseruans niueo niteret candore, illa sanguineo fulgebat rubore. Huius miraculi testis est dominus Fridericus abbas Hamburnensis25, cui res plenius innotuit.

Maiorem contumeliam Christo erogare uidentur huiusmodi malefici etiam ipsis crucifixoribus Christi. Ubi hominem uisibilem, mortalem atque passibilem occiderunt nec tamen occisi corpus fedis osculis polluerunt uel ignibus immittere presumpserunt; isti uero inuisibili, immortali,impassibili utrumque inferre non uerentur. Cum Christus sit os patris, osculum pacis et totius auctor castitatis, qui eius sanctissimum corpus in oscula fedi assumpserit, Iude, cuius osculo traditus est, in penis similis erit. Nunc, quantum miraculum in sacramento sanguinis Christi factum sit, sequens lectio demonstrabit.

Notes:
  • 22 Hamborn bei Duisburg. Vgl. Fabricius, Erläuterungein V, 1, S. 252; H. Scheiermann, Altes und Neues vom Niederrhein, im besonderen Abtei und Pfarrei Hamborn a. Rhein einst und jetzt, Osnabruck 1925.
  • 23 1223 nach I 1 (oben S. 16).
  • 24 Vgl. einen ähnlichen Fall Dial. mirac. IX 14.
  • 25 Abt Friedrich von Hamborn ist 1220—1224 bezeugt; vgl. Scheiermann a.a.O. S. 67 f.
Indexed exemplum: TE004373
This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 Ce travail réalisé sous la direction de J. Berlioz, M. A. Polo de Beaulieu et Pascal Collomb est mis à disposition sous licence ETALAB Licence Ouverte 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0
Powered byPropulsé parPowered byPowered byPropulsado para