Caesarius Heisterbacensis, Libri VIII miraculorum

INCIPIT LIBER PRIMUS MIRACULORUM

De obsessa, que femine de pecunia perdita sciscitanti respondit: "Clericus, qui tecum concubuit, tulit illam ".

In dyocesi Treuerensi in uilla, cui uocabulum est Tris147, obsessa quedam habitat, per cuius os frequenter dyabolus furta siue alia queque crimina inconfessa manifestat. Nondum effluxit annus, quod matrona quedam eiusdem uicinie, decem sibi marcis furtiue subtractis, eandem obsessam adiit et, ut sibi pecuniam ablatam necnon et furti auctorem ostenderet, inportune satis institit. Cui illa respondit: "Exspecta paululum! ego te secrete expediam de utroque"; erat enim in io turbis constituta. Dicente femina: "Uolo, ut omnes audiant", respondit demon: "Non est consilium meum, ut hoc fiat". Cumque illa instaret, subiunxit dyabolus: "Ex quo ita placet, en dico tibi: Clericus, qui tecum concubuit, pecuniam sub capite tuo positam tulit et abiit. Require ab eo: forte restituet tibi. Ecce! modo nosti, quis tulerit illam; aut dicerem tibi, coegisti me". Ad quod uerbum illa confusa nimis tristis abiit, plus dolens de dampno infamie quam pecunie. Hec michi non ab uno, sed a pluribus relata sunt.

Notes:
  • 147 Treis an der Mosel im Kreise Kochern. Vgl. Band I, S. 118 Anm. 1.
Indexed exemplum: TE004397
This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 Ce travail réalisé sous la direction de J. Berlioz, M. A. Polo de Beaulieu et Pascal Collomb est mis à disposition sous licence ETALAB Licence Ouverte 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0
Powered byPropulsé parPowered byPowered byPropulsado para