Thesaurus Exemplorum
Medii Aevi
Caesarius Heisterbacensis, Libri VIII miraculorum
INCIPIT LIBER PRIMUS MIRACULORUM
Item de hostia, de qua exiuit sanguis et aqua in Mersenne, cum liquor calici defuisset.
Abbatia sancti Remigii ciuitatis Remensis26 magnum habet allodium in Mersenne27 iuxta Traiectum sancti Seruatii28, cui quatuor monachi semper sunt deputati, qui illic diuina celebrent et decimarum prouentus cum censibus monasterio resignent. Ex quibus unus, cum eodem tempore, quo duo supradicta miracula gesta sunt29, missam esset celebraturus, aquam et uinum in calicem fundere neglexit. Cumque uentum esset ad signa ante orationem Dominicam et detecto calice nichil in eo liquoris deprehenderet, territus atque contristatus est supra modum. Stante eo in maximo stupore, cum crebris singultibus misericordiam Dei pulsaret, facta est uox desuper: "Exaudita est oratio tua". Quare animatus, reliqua more solito complens, hostiam fregit, unam ex eis particulam uacuo calici inmittens. Et ecce! Christus, qui est Dei uirtus et sapientia30, qui in cruce de suo corpore mortuo sanguinem et aquam exire fecit31 contra naturam, de corpore suo sacramentali atque immortali contra consuetudinem produxit sanguinem et aquam: sicut de incisis uenis sanguis erumpit, ita de eadem particula in duobus locis, sacerdote conspiciente, utriusque liquoris profluxit species; non enim uini, sed humani sanguinis forma in eo uidebatur. Quapropter paueant et erubescant, qui dicunt nichil fieri in pane, nisi calicis transsubstantiatio fiat. Cumque sanguis exuberans pene tertiam partem calicis replesset, stetit. Sacerdos uero, tanto miraculo uiso exhilaratus ualde, partem sumpsit, reliquam cum sacramento corporis circumstantibus post misse completionem ostendit. Postea decretum est prudentium consilio, ut calix cum liquore sigillaretur. Quod et factum est. Nuper cum dominus Conradus Portuensis episcopus et sedis apostolice legatus32 transiret partes illas, predicti fratres illum accersientes ea, que dicta sunt, per ordinem recitauerunt. Qui gloria tanti miraculi congratulans precepit, ut, sigillo amoto, in testimonium fidei se Christiane cunctis superuenientibus et uidere uolentibus liquor ostenderetur per dies octo. Quod et fecerunt. Est autem purpurei coloris et ex tempore spissior, utpote duos in calice habens33 annos, nunc autem sigillatus est.
Quantum gratie quantumue gloria apud Deum mereantur, qui in sacramento altaris fuerint deuoti siue in conficiendo siue in sumendo, caritas fidelium aduertat.
- 26 Abtei des h. Remigius in Reims
- 27 Propstei Meerssen nordöstlich von Maastricht. Zum Besitz von St. Remi vgl. Fabricius, Erläuterungen V, 1, S. 394.
- 28 Maastricht, durch den Zusatz seines Heiligen (vgl. z. B. SS. rer. Merov. III, 83 ff.) unterschieden von dem anderen Traiectum, Utrecht.
- 29 1223
- 30 1. Cor.1,24
- 31 Ioh. 19,34
- 32 Über Kornrad von Urach, Kardinalbischof von Porto (f 1227), s. Band I, 150 Anm. 1. Über seine Legation in Deutschland (1224 bis 1226) vgl. u. a. K. H. Roth von Schreckenstein, Forschungen zur Deutschen Geschichte VII (1867), 319 ff. Nach Meerssen wird er auf dem Wege von Lüttich nach Köln Anfang Juni 1224 gekommen sein (eb. S. 379); ein zweiter Aufenthalt in diesen Gegenden im Januar und Februar 1226 (eb. S. 357 ff., 388 f.) durfte fur die ersten Kapitel von Caesarius' Schrift zu spät sein (vgl. oben S. 13 f.).
- 33 'tabens' verbessert H. Disselnkötter, Annalen 121 (1932), S. 52: “da er bereits im Kelche zwei iahre zusammenschrumpft”. Doch ist die Änderung unnötig. Die zwei Jahre fuhren, wie er mit Recht bemerkt, von 1223 (s. oben S. 16, 31. 20, 22) auf 1225 (vgl. oben S. 16 Anm. 1).
