ThEMA | Source

Caesarius Heisterbacensis, Libri VIII miraculorum

INCIPIT LIBER PRIMUS MIRACULORUM

De Henrico, qui dyabolo hominium suum obtulit pecuniarum causa.

In Colonia ciuitate ciuem quendam noui Henricum nomine, cognomine Golstein¹⁹⁴. Hic cum esset de alto sanguine eiusdem ciuitatis, uir diues et honoratus, et tam in epulis quam in uestimentis, eo quod superbus esset, plus expenderet quam eius redditus sufficerent, mendicitatis confusionem incurrere timens, hereditatem suam uendidit et pecuniam ex illa collectam ad usuram dedit. Nec tamen misero profuit, quia, cum personis potentibus illam accommodasset, illis pecuniam ex industria illi retinentibus, ad tantam deuenit paupertatem, ut ante mortem suam publice mendicaret.

Quam instabilis sit pecunia de usuris conquisita et quantum illam Deus detestetur, hoc, quod sequitur, exemplo demonstrabitur.

Notes:

¹⁹⁴ Heinrich Goltstein, seine Gattin Volswindis und sein Haus ('domus', 'area') in Köln am Buttermarkt begegnen in den Schreinskarten von St. Brigida zwischen 1197 und 1215. Vgl. R. Hoeniger, Kölnen Schreinsurkunden des 12. Jahrhunderts I (1884/88), S. 310 (Nr. 1. 2), 318 (Nr. 6), 323 (Nr. 7), 324 (Nr. 12); danach H. Keussen, Topographie der Stadt Köln im Mittelalter I (1910), S. 115.