Caesarius Heisterbacensis, Libri VIII miraculorum

INCIPIT LIBER PRIMUS MIRACULORUM

34Item de monacho Uilariense, cui angeli in missa ministrauerunt35

In Brabantia36 femina manet ualde religiosa, fide, caritate bonisque operibus plena, multas habens a Christo consolationes plurimasque reuelationes. In huius presentia dum sacerdos quidam de Uilario37, et ipse bone uite, in quadam uilla missam celebraret et in ipso introitu ad altare dum peccata sua confiteretur, cepit corpus eius lucidari et sacre uestes, quibus indutus erat, miro candore decorari. Cumque hostiam exaltaret, uidit duos angelos mire pulcritudinis, utpote filios lucis, ei hinc inde assistere, brachia sustentare et, cum hostiam deponeret, manicas utriusque manus, ne quid eis tangeret, ualde decenter restringere. Qui etiam inclinato capite, eleuatis manibus, cum summa reuerentia depositam adorauerunt. Hiis concordant quidam sacerdotes, qui hostiam adorando deponunt, Christi corpus ibi credentes.

Eandem consuetudinem habet magister Stephanus archiepiscopus Cantuariensis38, qui nullo theologo huius temporis inferior scientia esse dinoscitur. Interrogatus a domino Henrico abbate nostro39, si post hac uerba 'Hoc est enim corpus meum' statim fiat transsubstantiatio panis, scilicet in corpus Christi, respondit: "Hoc eo credo, in hac fide moriar. Unde mox cum hostiam depono, supplex illam adoro". Hoc commemoraui propter quosdam, qui quibusdam scriptis magistri Petri Cantoris40 pertinacius adherentes dicunt tunc primum panem transsubstantiari, quando benedictio calicis completa est. Quod omnino uidetur absurdum et consuetudini ecclesie sancte contrarium, que in eleuatione hostie procidens adorat. Plura me memini tractasse de hiis in Dialogo distinctione nona capitulo [XXVIIo ]. Licet homines, qui per fidem ambulant, aliquando in talibus possint errare, angeli sancti, in quibus est plenitudo scientie, qui uisione presentaria et comprehensiua, non enigmatica fruuntur in Christi contemplatione, falli non possunt. Non ibi adorabant predicti angeli panem purum, sed Christum illic attendebant, cognoscebant et confitebantur.

Post fractionem sacramenti, cum adesset hora sumptionis, facta in excessu mentis beata illa uidit corpus sacerdotis tam clarum et tam perspicuum, ut quasi in phialam crystallinam corpus Christi demitti uideretur. Missa uero completa, cum sacerdos sacra deponeret uestimenta, illa cepit ad se reuerti et celebrantis corpus sensim in oculis eius spissari, ita ut tunc primum in eo solitam formam agnosceret. Cum post orationes salutationis gratia ad ipsam rediret, accepit et illam gratiam Christi uirgo uenerabilis, ut, quotienscumque ea presente populus communicat, quis digne quisue indigne accedat, per spiritum ab ipsa mirabiliter discernat41. Nam cum die quadam pasce singuli accederent ad sacram communionem et singulorum uultus attenderet, intellexit tantum decem ex omni illa multitudine celestibus sacramentis digne participare. Cum hoc anno42 uisitasset eam monachus noster Iohannes43, inter loquendum spiritum prophetie illam habere deprehendit. Qui hec que dicta sunt de ea credere non potest, uicinos eius accersiat, testimonium illorum accipiat et forte maiora horum audiet. Multis est nota et longe per famam sanctitatis dilatata, Uda44 uocabulum habens, in uilla, cui nomen est Wannelez45 , habitans.

Notes:
  • 34 Gekürzt übernommen in die Chronica Uillariensis monasterii c. 23 MG. SS. XXV, 205) aus einer Handschrift 1.Herolt, Prompt. exempl. M. 42.
  • 35 Zu den Kapiteln 4—7 vgl. Jos. Greven, Der Ursprung des Beginenwesens (Historisches Jahrbuch 35, 1914, S. 49—55)
  • 36 Greven, a. a. O. (1914) S. 51 Anm. 1 denkt an Nivelles in Brabant, südlich von Brüssel (vgl. unten 1, 5); vgl. jedoch den Schluß des Kapitels
  • 37 Villers in Brabant zwischen Nivelles und Gembloux, Cistercienserabtei. Vgl. besonders Ed. de Moreau, L'abbaye de Villers en Brabant au XIe et XIIe siècle, Brüssel 1909; oben Band I, 92 Anm. 1.
  • 38 Über Erzbischof Stephan Langton von Canterbury (1207—1228) vgl. u. a. F. M. Powicke, Stephen Langton, Oxford 1928, und English historical review 48 (1933), 554 ff.
  • 39 Über Abt Heinrich von Heisterbach vgl. oben S. 15 Anm. 2; Ferdinand Schmitz, Urkundenbuch der Abtei Heisterbach (1908) S. 21 f.
  • 40 Über Petrus, Cantor von Notre-Dame in Paris († 1197), vgl. F. S. Gutjahr, Petrus Cantor Parisiensis, Graz 1899; M. Grabmann, Geschichte der scholastischen Methode II, 478 ff.; M. Manitius, Geschichte der lateinischen Literatur des Mittelalters III, 159 ff.; oben Band 1,95, Anm. 2.
  • 41 Vgl. die Erzählung aus den Vitae patrum in Band I, 162 Nr. 242.
  • 42 1225; vgl. oben S. 16 Anm. 1 und S. 21 Anm. 2.
  • 43 Nach Dial. mirac. XII 14 Sohn eines Bürgers Erkinbert von Andernach; ferner genannt eb. IX 35.
  • 44 Diese Uda ist entgegen A. Meisters Vermutung nicht identisch mit Ihren Namensschwestern in Namur (Dial. mirac. IX 31) und in Thorembais (eb. IX 35), mag auch für letztere derselbe Mönch Iohannes von Heisterbach als Berichterstatter auftreten.
  • 45 Dorf Wagnelée, im Westen des Schlachtfeldes von Ligny (1815),im Norden des von Fleurus (1690, 1794), zwischen Namur und Nivelles (Prov. Hennegau, arr. Charleroi, cant. Gosselies).
Indexed exemplum: TE004375
This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 Ce travail réalisé sous la direction de J. Berlioz, M. A. Polo de Beaulieu et Pascal Collomb est mis à disposition sous licence ETALAB Licence Ouverte 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0
Powered byPropulsé parPowered byPowered byPropulsado para