Thesaurus Exemplorum
Medii Aevi
Caesarius Heisterbacensis, Libri VIII miraculorum
INCIPIT SECUNDUS LIBER.
De femina Laudunensis diocesis, que Christo uiso infantem cadere sine batim ignem258.
Retulit michi anno preterito259 quidam ex fratribus Carthusiensibus, sacerdos admodum religiosus, Nicolaus nomine, rem memoria dignam. Dicebat in dyoecesi Laudunensi260 feminam ualde esse deuotam ac religiosam et diuinis reuelationibus assuefactam. Hac cum die quadam ad prunas sederet et in sinu infantulum proprium more nutricis in gremio foueret, Saluator ex latere stans in forma humana illi apparere dignatus est. Quem ut uidit et agnouit, ex nimia feruoris dilectione infantis oblita cum impetu surrexit et ad ipsum currere cepit. Cui Dominus mox uisibilem presentiam subtrahens disparuit. Tunc illa ad infantem reuersa in medio prunarum, quo eum surgens precipitauerat, iacentem reperiens expauit supra modum. Quem semiustum putans cum clamoribus extraxit. Et ecce! nullum signum ardoris in eo apparuit. Nam caritas matris filio temperauerat ardorem ignis.
Cum omnipotens Deus tanta ac talia beneficia conferat suis amatoribus, certum est quod et penam conferat contemptoribus. Non uidetur hodie in aliqua re plus contemptus quam in sacramento corporis et sanguinis sui. Cum medicina huius sacramenti singulare salutis humane sit antydotum, indigne tamen conficientibus siue sumentibus fit in interitum.
- 258 Die Erzählung findet sich bereits in den Sonntagshomilien; a. Band I, 130 Nr. 164.
- 259 1225. Die Homilie hat dafür: 'sicut nuper audiui a quodam sacerdote ordinis Carthusiensis nomine Nicoiao'.
- 260 Homilie: 'Femina ualde religiosa et Deum timens habitat in uilla Ueruino dioecesis Laudunensis, Hei1wigis nomine'.
