ThEMA | Source

Caesarius Heisterbacensis, Libri VIII miraculorum

INCIPIT SECUNDUS LIBER.

De corporali, cuius ablutio uersa est in sanguinem.

Retulit michi nuper dominus Albero abbas de Waltsassin²⁸³, que dicturus sum. In Tannenberch²⁸⁴ sacerdos quidam est Lambertus nomine, sacerdotio prorsus indignus, eo quod homo sit uitiosus, gule luxuriaeque deditus totus. Hic die quadam, dicta missa, corporale²⁸⁵ de altari rapiens et concubine sue in sinum proiciens, ut lauaret illud mandauit, ipse uero ad tabernam properauit. Illa, sacerdote abeunte, bacharium²⁸⁶ de quo bibere solebant tollens aque inposuit et corporale immisit, utraque manu illud lauans. Et ecce! Dei uirtute, ut ostenderetur reus esse sanguinis Christi, qui indigne conficit uel ea, que tantum sacramentum exigit, indigne tractare presumit, totus liquor infusus in sanguinem conuersus est. Quod illa uidens et expauens more femineo manus super caput posuit, terroris uocem emittens. In ipso autem peplo signa manuum siue digitorum singulorum, quibus illa tetigerat, sanguinea apparuerunt, ut inpleretur, quod Dominus per Ysaiam dicit: 'Manus uestre sanguine plene sunt'²⁸⁷. Reuerso de taberna sacerdote, cum illa, que sibi contigerant, recitasset simulque crateram cum corporali et sanguine ostendisset, miser ille non suis peccatis, sed magis mulieris que facta fuerant inputans, iniunxit ei pro penitentia, ut singulis diebus partem liquoris sumeret, donec totum epotaret. Prius tamen quam totaliter liquor ab ea fuisset exhaustus, innotuit tantum miraculum supradicto abbati de Waltsassin. Qui, assumptis secum quibusdam aliis religiosis, in domum sacerdotis uenit, corporale cum parte sanguinis uidit et, quod totus ad testimonium fidei nostre non fuisset reseruatus, satis conquerens.

Quanta salus sit digne sumentibus hoc sacramentum, ipse Saluator testatur, cum ait: 'Qui manducat carnem meam et bibit sanguinem meum, in me manet et ego in eo'²⁸⁸; et 'qui manducat me, et ipse uiuet propter me'²⁸⁹. 'Hic est panis, qui de celo descendit'²⁹⁰. De hoc pane uiuo et uero mystice Moysi dictum est a Domino: 'Aduena et mercenarii non comedent ex eo'²⁹¹. Aduena est, qui fidem quidem habet, sed baptismo quasi circumcisione caret. Mercenarius est malus christianus uel baptizatus hereticus, quorum uterque ad 'iudicium sibi manducat'²⁹². Quod uero non baptizatus de sacramento corporis et sanguinis Christi edere non debeat, subsequens exemplum demonstrat.

Notes:

²⁸³ Vgl. oben I, 41 (S. 69) mit Anm. 1.
²⁸⁴ In der Nähe von Waldsassen liegt jenseits der böhmischen Grenze ein kleines Dörfchen von wenigen Häusern, Tannenberg, zwischen Liebenstein und Franzensbad nordwestlich von Eger (Bezirkshauptmannschaft Eger, Gemeinde Ober-Lohma); Waldsassen hatte auch in und um Eger Besitz, vgl. H. Muggenthaler, Kolonisatorische und wirtschaftliche Tätigkeit eines deutschen Zisterzienserklosters im XII. und XIII. Jahrhundert (Deutsche Geschichtsbücherei II), München 1924, S. 94 f. Anderseits paßt der Name des Abtes Albero nicht auf Waldsassen (s. oben S. 69 Anm. 1); dagegen findet sich von 1210 bis 1228 ein Abt Albert (vgl. 1 b) des Cistercienserklosters Dobrilugk in der Niederlausitz (Prov. Brandenburg, Kreis Luckau), der dann abdankte und bis wenigstens 1231 als Mönch in Altzella lebte; s. Rudolf Lehmann, Die altere Geschichte des Cisterzienserklosters Dobrilugk in der Lausitz, Diss. Heidelberg 1916, S. 97 und 104. Dort liegt in der Nahe nordöstlich von Finsterwalde (Kreis Luckau) ein Dorf Tanneberg, dessen Hälfte Dobrilugk später (1424) kaufte (eb. S. 35 Anm. 1). Darf man in der Übereinstimmung dieses Namens eine Bestätigung dafür sehen, das Caesarius Waldsassen fur Dobrilugk gesetzt hat?
²⁸⁵ Vgl. oben S. 89 Anm. 2.
²⁸⁶ Trinkgefas, deutsch 'Becher'; s. Du Cange unter 'bacca'.
²⁸⁷Is. 1,15
²⁸⁸Joh. 6,57
²⁸⁹eb. V. 58
²⁹⁰eb. V. 59
²⁹¹Exod.12,45
²⁹²1. Cor. 11,29

Indexed exemplum: TE004430