Thesaurus Exemplorum
Medii Aevi
Caesarius Heisterbacensis, Libri VIII miraculorum
INCIPIT SECUNDUS LIBER.
De quadam inclusa, que mirabiliter liberata est a pediculis.
Narrauit michi quidam monachus Sibodo nomine, sanctimonialem quandam fuisse in ecclesia sanctarum Uirginum Undecim Milium359, feminam nobilem sibique bene notam. Hac Deo pro peccatis suis satisfacere uolens, iuxta monasterium Sancti Gereonis sibi reclusorum fecit360, in quo die noctuque Deo seruiens ieiuniis, uigiliis et orationibus corpus afflixit. Que cum cilicio uteretur ad carnem, ita uermibus qui pediculi dicuntur grauari cepit, ut pre illorum multitudine non orare, non dormire neque quiescere posset. Nocte quadam, cum illud diutius tolerare non posset, ait in oratione: "Domine Deus, tu scis infirmitatem meam. Quodsi ab hiis uermibus, qui me comedunt, non me liberaueris in hac nocte, ego cras cilicium proiciam". Mira pietas Dei: ab illa hora deinceps, sicut ipsa confessa est predicto Sibodoni, in eodem cilicio non unum uermiculum uidit nec sensit.
- 359 In Köln.
- 360 Über die Klausen in Köln s. Joh. Asen, Annalen 110 (1927), S. 180—201 (S. 184 f. über die Klause des 14. Jahrhunderts bei St. Gereon). Im allgemeinen vgl. auch L. Gougaud, Ermites et reclus (Band 5 der Sammlung "Moines et monastères"), Ligugé 1928; O. Doerr, Das Institut der Inclusen in Süddeutschland (= Herwegen, Beiträge zur Geschichte des alten Mönchtums 18), Münster 1934.