Thesaurus Exemplorum
Medii Aevi
Caesarius Heisterbacensis, Libri VIII miraculorum
INCIPIT SECUNDUS LIBER.
De matrona, cui ymago beate Uirginis Dei Genitricis arrisit, cum salutationem proferret angelicam.
In Brussel1a matrona quedam honesta habitabat nomine Gilla236. Hac cum die quadam ante ymaginem sancte Dei Genetricis semperque uirginis Marie staret illamque respiceret, ait: "Domina mea sancta Maria, rogo te, ut in hora hac michi inspirare digneris orationem, que tibi magis placeat et in qua delecteris". Statim, ac si aliquis loqueretur in corde eius, occurrit salutatio angelica, id est 'Aue Maria, gratia plena, Dominus tecum' et cetera. Quam cum deuote satis protulisset, ipsa ymago dulciter ei arrisit, gaudium, quod angelo nuntiante concepit, ipsa risu deuote femine declarans. Postea sanctimonialis facta in ordine cysterciensi sub domino Wigero monacho Uilariensi237, cuius relatione hac michi comperta sunt, ipsam ymaginem ostendit, que dicta sunt per ordinem illi recitans.
- 236 Über 'sanctimonialis Bruxellensis Gilla nomine', die erst Benediktinerin war, dann in den Cistercienserorden eintrat, vgl. Gesta sanctorum Uillariensium c. 2 (MG. SS. XXV, 230).
- 237 Vgl. I 13. II 15.
