Thesaurus Exemplorum
Medii Aevi
Caesarius Heisterbacensis, Vita, Passio et Miracula S. Engelberti
LIBER I (1)
a26De eo quod beati Engelberti uocabulum future passionis eius presagium fuita27 et de eterna eiusa28 electione.
Ad honorem Dei Patris, et Filii eius Iesu Christi domini ac saluatoris nostri, et sancte matris ecclesie, actus, passionem et uirtutes preciosi martiris et archiepiscopia29 nostri Engelberti descripturus, graciam inuoco Spiritus sancti, ut qui iam positus super candelabrum fulgore miraculorum lucet in domo Dei et in ecclesia specialius beati Petri apostolia30 , stili mei ministerio utcumquea31 ualeat illustrari et ad posteroruma32 noticiam utiliter declarari.s33 Uidetur mihi in primis antistitis nostri uocabulum future eius beatitudinis quoddama34 fuisse presagium. Ex theutonicoa35 latinoque compositum ANGELICAM sonat libertatema36 , significans Engelbertum de iugo peccatorum per mortis necessitatem ad angelicam migraturuma37 libertatem.s38 Si Deus a nobis mirabilis predicatur in sanctis suis antiquisa39 , multo magis mirabilem se ostendit in nouo martyre et tali martyre diebus hiis nouissimis, eo quod miraculorum tempora modo non sint; ut quidam ait, rara auis in terris sanctitas huius temporis. Et ideo miracula crebra, que de patre nostro uidemus et audimus et per ipsius merita fieri credimus, tanto nobis esse debent a40 graciora, quanto propter tempus rariora. Sanctitatem, que uite defuit, mors preciosa suppleuit, et si minus perfectusa41 in conuersacione, sanctus tamen effectus est in passione. s42 Consummatus in breui expleuit tempora multa. Placita enim erat Deo anima illius.s43 Nam placens Deo eterna predestinatione factus est dilectus in passione. Quis sanctitati eius a44 contradicat quem cordium cognitor et meritorum ponderator Dominus signis tam uariis mirificat? Non qui seipsum commendat, ut aita45 Apostolus, ille probatus est, sed quem Deus commendat, ille probatus est. s46
- a26 Capittulum primum 1a, qui nec lemma ipsum nec reliqua lemmata librorum I – III habet.
- a27 fuerit 2b1.
- a28 (et. eius) eius et. 2b1.
- a29 archipresulis 2a; uel presulis add. 1a.
- a30 Id est Coloniensi, cuius urbis ecclesia maior S. Petro sacra erat et est.
- a31 utrumque 1a.
- a32 posteriorum 2b1.
- s33 Cf. Matth. 5, 15.
- a34 (f. e. b. q.) q. f. e. b. 2ab1.
- a35 teutonicho 2a.
- a36 Illo nomine, quod miro hoc modo interpretatus est Caesarius, non pauci uiri de genere sancti nostri sunt appellati. In quod tunc nomen illud inuectum esse opinatus est Ficker (Engelbert, p. 209), postquam Adolfus II comes sororem quandam (non sororis filiam, ut dicit Ficker, p. 16) Friderici I archiepiscopi Coloniensis (1099 – 1131) et Engelberti I marchionis Foroiuliensis duxerat uxorem. Cf. Chronica Albrici monachi Trium Fontium ad an. 1126, 1150, 1158 (MG., Scr. t. XXIII, pp. 826, 840, 844).
- a37 migrarum 2a.
- s38 Ps. 67, 36.
- a39 et add. 2ab1.
- a40 (e. d.) d. e. 2a.
- a41 perfecte 1a.
- s42 Sap. 4, 13, 14.
- s43 Sap. 4, 10.
- a44 (s. e.) e. s. 2a; enim s. 2b1.
- a45 (ut ait) om. 2a.
- s46 II Cor. 10, 18.
