Thesaurus Exemplorum
Medii Aevi

Religiosos, immo in religiosis Christum, ita honorare studuit ut personis priuatis assurgeret et tam humiliter cum eis loqueretur ac si illis subditus esset. Sacerdotes seculares et pauperes ualde, personis illustribus^a284 secularibus^a285 neglectis, de sua scutella comedere et de suo cypho^a286 bibere sepissime coegit. Uestimenta sua aliquando satis preciosa, quibus ad breue tempus usus fuerat, non istrionibus sed sacerdotibus, non scurris sed clericis dare consueuerat. Et quia timor sine dilectione minus placet, beatam Uirginem Mariam, que mater est^a287 pulchre dilectionis, id est Christi, qui fons est et auctor^a288 sancti amoris^a289 , in tantum dilexit ut per annos aliquot omnes quartas ferias in eius honore ieiunaret et duabus uicibus, postquam factus est episcopus, limina eius in Rupe Amatoris ^a290 uisitaret^a291 .^s292 Decorem domus Dei cum sancto Dauid^a293 sic dilexit^a294 , ut ecclesiam Sancti Petri, que mater est^a295 omnium ecclesiarum prouincie Coloniensis, renouare fratres hortaretur, promittens se quingentas marcas statim ad inchoacionem offerre ac deinde annis singulis, donec fabrica consummaretur, marcas totidem^a296 . Fecerat autem ante mortem suam uestimenta pontificalia ex purpura et lino subtilissimo, aurifrigio eciam et laminis aureis, margaritis et gemmis tanti decoris ut cordis eius deuocio in illis^a297 quasi^a298 in speculo reluceret; semel tantum eisdem^a299 uestimentis usus est, et hoc in uelacione sanctimonialium; quod officium sine lacrimis exercere non potuit. Calicem uero aureum ex gemmis preciosis a diuersis sibi regibus transmissis^a300 , ualoris, ut aiunt, plus quam quingentarum marcarum, ad honorem domus Dei fieri fecit; quem deuotus super altare beati Petri apostolorum principis obtulisset, si non prius de calice passionis bibisset.

Hec de uita et actibus beati uiri^a301 dicta sufficiant ex multis pauca. Non enim tam multa quam uera probitatis eius acta scribere^a302 proposui, ne michi ab hiis qui uirum nouerant de mendacio possit insultari, eo quod nondum expletus sit annus ex quo passus est, et ne congestorum copia legentibus generet fastidium. Nunc autem quam feliciter et^a303 difficulter^a304 de leua temporalium per ascensum purpureum, id est martyrii meritum, ascenderit ad amplexum ueri Salomonis, id est ad quietem diuine contemplacionis, stilus manifestet; quia, ut ait quidam ex eius concanonicis, sacerdos deuotus ac litteratus, “aliam uiam, per quam in tali statu^a305 positus ianuam regni celestis, que angusta est, intrare potuisset, non considero.”^s306