Thesaurus Exemplorum
Medii Aevi

Sequenti die, sabbato scilicet, turris Ualancie destructa est et die eadem turris a prioribus^a701 contra faciem Damasci Colonie erecta est. Quia status terre in morte pontificis ualde fuerat turbatus, timentes priores et clerus ne forte ciues cum Walerammo propter priuilegia que dominus Engelbertus ab eis extorserat^{a702 a703} aliquid moliri possent contra libertatem ecclesie, sicut eis postea dure satis est impositum^a704 , diem septimo decimo^a705 kalendas decembris, qui nonus fuerat a morte pontificis ^a706 , electioni prefixerunt. In qua, mediante et cooperante domino Theodorico Treuerense archiepiscopo, Henricus Bunnensis^a707 prepositus in pastorem et archipresulem consensu unanimi electus est^a708 . Quo secundum morem residente in sede episcopali, clamores ministerialium de morte domini sui conquerencium renouantur; a quibus camisia martiris in sinum^a709 eius deponitur. Et mox iurauit, ut dicitur, quod sanguinem eius, quoad uiueret, uindicaret. Quam studiosus ^a710 et quam feruens fuerit et sit in execucione eiusdem uindicte, ita ut neque corpori neque pecuniis parcat, sequencia declarabunt. Qui eciam ad gloriam martiris dilatandam coram altari beati Petri in die ordinacionis sue^a711 in sacerdotem exiguitati^a712 mee humiliter satis iniungere dignatus est quatinus gestorum eius insignia, nec non et ea que per eum operatur Dominus miracula, ad posterorum noticiam scripto perpetuarem. Et cum me excusarem, dicens mihi talia non licere, priori meo, qui presens erat, precepit ut mihi ad iniuncta ^a713 obedire preciperet. Quod et fecit. Cum enim multos in sua dyocesi uiros habeat sapientes et eloquentes, utputa^a714 theologos, rethores et philosophos, qui eiusdem beati antecessoris eius uitam, martirium et miracula eleganti stilo describere et flore rethorico depingere possent, si materia laude digna sermone insipido a me fuerit conscripta, non mihi, quem obedientia cogit, sed magis ei, qui iniunxit, imputandum est. Est autem propositi totam scribendorum materiam in tres partes diuidere, ita ut prima loquatur uitam eius et actus que^a715 uiuens egit, secunda martirium eius, mortis causam et uindictam, tercia signa et sanitates que per illum operatur Dominus. Hiis autem quasi ex abrupto insertis, ad historiam reuertendum est.