Thesaurus Exemplorum
Medii Aevi

Ut autem ad superiora redeamus, corpus martiris a duobus supradictis abbatibus per Reni alueum Coloniam reducitur. Cumque uenissent contra Weisleige^a775 uillam^a776 , duobus miliariis^a777 a Colonia distantem, miles quidam, Arnoldus nomine, de litore prospiciens et quia pontificis ossa deducerent intelligens, in contumeliam martiris erupit, et ait: “Multi dicunt quod dominus iste, qui multos lesit, dampnificauit et exhereditauit, sanctus sit et miracula faciat. Hoc si uerum est, quod tamen^a778 non credo, hec faciat mihi Deus^a779 et hec^a780 addat ut, antequam moriar, insanus efficiar.”^s781 Dampnificauerat enim eum in quadraginta marcis beatus episcopus pro culpa filii^a782 feminam ui opprimentis; cui tamen multum pepercerat, ut culpam morte plectendam dampno tam tollerabilis pecunie multaret. Et ut ostenderet Deus quam periculosum sit^a783 homini ponere in celum os suum^a784 , eadem die maledico uertiginem capitis immisit et, cum post modicum aliena loqueretur, uxorem cum ceteris accurrentem^a785 cedere ^a786 cepit, necnon^a787 et sacerdotem qui ad confessionem eius audiendam uocatus fuerat.^s788 Quid plura, tenetur, uincitur, custoditur, sicut furiosus. Qui sequenti die post multa uerba blasphemie sine uiatico et confessione spiritum insanus efflauit.^s789 Induerat enim maledictionem sicut uestimentum et intrauerat^a790 sicut aqua in interiora eius. Unde nemo sibi malum imprecetur^a791 , quia, licet benignus sit spiritus sapiencie, sicut diuina dicit scriptura^a792 , non^a793 liberabit maledictum a labiis suis.^s794 Miles quidam, qui predictas blasphemias Arnoldi audiuit ^a795 , nec tamen compescere poterat blasphemantem, ista mihi retulit, et uix est aliquis in eadem uilla^a796 quem tantum lateat miraculum. Audiant ergo recentem militis huius penam et utinam non eternam dampnacionem, qui ob quamcunque causam martiri detrahentes et glorie eius inuidentes dicere solent: “Nequaquam credere possumus uirum superbum, auarum et prorsus^a797 seculo deditum miracula posse facere.” Considerant quid aliquando fortassis fuerit; sed quid per martirium factus sit non attendunt. Credant^a798 saltem saluatum quem demones martirem confitentur.