О власти и чести иерейской и о покаянии. Совен краль Донский в день новаго лета великочестных некиих и ближних своих людей созва на обед, и тии, упившеся, начаша о крале своем зле глаголати и от сердец своих издавати всякое недоброхотьство. Сия слыша краль и в том часе умолча. На утрии же егда пришедшим им во храм святыя троицы, посла вой. повеле всех посещи. Епископ же Вихелм, муж добродетелный, и кралю зело любезный, велию любовь между себе имуще, кровопролитием сим от убийства и осквернения и безчестием храма вельми огорчися, но обаче умолча до времене. Приспевшу же некоему знаменитому торжеству, и кралю пришедшу ко церкви, епископ же не точию яко прежде обычай имяше почтити краля, но во священней одежди ста на празе церковном, жезл пастырьский в руках своих имяше, возбраняя и поношая, и грозя, не дая кралю внити во церковь, грех велий — кровию помазания храма и бесчестия и мучительства и немилосердие пред очи его полагая, словеса жестокая и суровыя на него пущая. И краль, уповая на первую его любовь, приближися, хоте во церковь внити, ступи на праг церковный, епископ же удари его жезлом в перси, изгоняя его из церкви. Воини же хотяху его мечи ссещи, епископ же и выю им преклоняя. Краль же воем запрети и позна грех свой устыдеся, и в кралевский свой двор возвратися и одежду сановную сверже, облечеся во вретише, и вместо хлеба печалию кормяся и слезами жажду утоляя. Посем же босыма ногама, никим же брегом, ни почитаем, ко церкви прииде и у Прага церковнаго всего себе к земли низложи, и тако просто мног час лежа. Возвестиша о сем епископу, и не поспеши изыти. И егда изыде, вопроси его жестоко, рече: «Что сие твориши?» И краль со многими сле-зами грехи своя исповеда, милости у бога и у епископа прося, виновата себе пред ним творя. Епископ же, видев истинное сокрушение его, нападе нань и охапи его, слезы испущая и радостною душею прия его в церковь, отпущения согрешений надежду подая и человеколюбием божиим увеселяя его, разрешению время назнаменуя, и тако утешив его, отпусти. И в третий день в толиком же смирении прииде паки краль ко церкви и пред всеми людьми грех свой, иже сотвори против бога и ближняго и церкви, исповеда и прия разрешение, и нача всем вельми прославляти усердное попечение епископа своего о его избавлении и коликим удобством приведе его к покаянию, и за толикую любовь епископа благодарствуя, и церкви Понстефрийскаго господарьства велий образ покаянием своим всем людем остави.

Ce récit est sans doute un ajout de la traduction russe à partir de sources occidentales ou byzantines.

• évêquebishopBischofobispovescovo
• RoiKingKönigReyRe
• cathédralecathedralDomcatedralcattedrale
• médisancegossipVerleumdungmaledicenciamaldicenza
• MeurtreMurderMordcrimenassassinio
• PénitencePenanceBussePenitenciaPenitenza
• festinbanquetSchmausfestínfestino