Два мниха добродетелни приидоша слово божие пропо ведати в некий град, в нем же некая жена со сродным своим братом и со инеми чюжеложество сотворила и тягости ради греха и срама ради дванадесят лет приходя каятися, но таяся. Егда же узре сих иноков странных рече в себе: «Сии суть незнаеми и иностранни и ниже когда паки к нам возвратятся. Исповем им грех свой и беззаконие мое».— И по святей литургии приступи ко единому, нача исповедати грехи своя. И другий мних виде яко за коимждо изречением греха изо уст ея жабы сквернии падаху и из церкви выскакаху. И егда прииде до сего великаго греха, еже со сродным сотвори, и не хоте стыда ради исповедати. Мних же не ведый, еже грех велий имать и не исповеда, даде ей разрешение, и тако скончася исповедь. Другий же мних виде, яко вси жабы со оною пребольшею вси купно во внутренняя ея паки внидоша. Отидоша же мниси из града и идоша путем. Видевый же сие видение все подругу своему исповеда, и той во страсе и печали рече: «Воистинну, брате, утаила нечто грехов своих. Но возвратимся, брате, и направим ю к покаянию». И по многом отшествии паки возвратишася и обретоша ю уже умершу; возмутишася душами своими и восплакаша зело иноцы, и начаша с постом в сокрушении сердца молити господа бога, де известит им по милости своей, что се еже видеша. И третияго дне вкупе им идущим показася им она жена, седящи на страшном и лютом змии, и два ужа велика сокрушаху выю ея, и два перси ссуще, два же нетопыря перуще очи ея, и от уст ея исходит огнь жупелный, руце же ея грызяху два пса великия. Во ушах же своих имяше две стрелы великия огненнии вонзени во главу ея, и колико бяше власов на главе ея, толико ящериц. Сие старцы они яко узреша, падоша яко мертви. Тогда жена оная рече: «Не ужасайтеся, благодетели мои и боголюбезнии! Аз убо она жена проклятая, иже пред тобою, пантентениаре священный, исповедахся и сицевый грех срама ради утаих и исповедати устыдехся, и за се осуждена бысть тако мучитися вовеки». Тогда пантентениар рече: «Заклинаю тя именем великаго нашего бога да исповесп нам, что таковое страшнейшее различество твое и что есть мука сия, их же видим». И рече жена: «Извещу убо ти и не скрыю ничтоже. Иже вместо власов главы моея ящеры даны ми суть за украшение главы моея, нетопыри е на очах моих — мучение в казнь прелестного ради возрения и возложения бровей; стрелы же огненни во ушах моих — казнь за слышание глагол лестных и песней сатаинских; изо уст же моих пламень жюпельный исходящ за релестныя моя словеса и сквернословие и осуждение; ужее, иже ссут перси моя, за нечестивое и скверное дотыкание ногих; выю такожде сокрушают ужеве за украшение выи и объимания. Озлобление же псов в казнь дел моих гнусных и приятия руками и еже ими давах любовником моим. Селение же мое на великом сем и страшном змии за палящую мя похоть телесных и скверных сластей, иже мя зелною и нестерпимою мукой дручит и томит и палит люте огнем несказанным адским, и бедра тайная и вся внутренняя моя в казнь скверных и многих злых дел моих». И рече пантентениар: «Повеждь ми на вопрошение мое, коих ради грехов человеки на осуждение более идут?» И рече жена: «Вящшии осуждаются смертных ради грехов, жены же паче четырех ради способов греховных, нечистоты ради от своих мужей, суетных и непотребных ради украшений, и еже любят вражити и стыда, его же ради не исповедают грехов своих». И пантентениар хотя и еще вопросити, может ся ли ей податися кая помощь, змий же страшный, задая ей нестерпимую муку, движеся с нею и занесе ю в адская места.

Wielkie Zwierciadło Przykładów [ed. Kraków, 1621], Spowiedź, XXVII.

Dans la tradition iconographique très riche, deux moines (deux frères-prêcheurs du Magnum Speculum exemplorum) sont remplacés par " un père spirituel" .

• FemmeWomanFrauMujerDonna
• ConfessionConfessionBeichteConfesiónConfessione
• DragonDragonDracheDragónDrago
• SerpentSnakeSchlangeSerpienteSerpente
• IncesteIncestBlutschandeIncestoIncesto
• ApparitionApparitionErscheinungApariciónApparizione
• CrapaudToadKröteSapoRospo
• ChienDogHundPerroCane
• PéchéSinSündePecadoPeccato
• EnferHellHölleInfiernoInferno
• honteshameSchandevergüenzavergogna