Великое зерцало: О некоем обиднике и мучителе, иже убочих и подвластных и подручных озлобляя. Некий великаго звания человек, имеяй во области множество подручных, озлобляше их и утесняя люте сам же во всех мира сего прелестнаго благих непрестанно веселяся. Той же егда на ложи опочивая, камекарий же его, лежаще при дверех, совосхитися в видение, восхищен бо бысть перед престол божий, и виде господина своего стояща связана и оглаголуема от многих, им же зде зло творяше. И за се приимиша осуждение: восхитиша бо его множество бесов и ведяху во область сатане, он же яко его узре рече: " Приведите ми его, да лобжу его, яго вернаго моего слугу" . И преведоша. И рече к нему: " Не имея буди покоя во веки" . И паки рече: " Поимите его и поведите в баню княжескую" . И восхитиша его, поливающе нань огнь и серу горящую и жупел. И положен бысть на месте адъстем о нем же Исаия пророк глаголет: " Под тобою, рече, подслан будет моль, покров же его будет червие" . И паки рече Луцыпер: " Дайте ему пити от чаши гнева божия" . И даша ему пить огнь жупельный, и то пия и вопия, яко не хощет. И паки рече Луцыпер: " Обыкл убо любити игры и всякие утехи - утешите его" . И принесоша трубы огненныя и тако во уши его дующе, яко и очию, и усты, и ноздрьми, и ушию пламень велий разливашеся. По сем паки рече сатана: " Приведите ми его, да воспоет предо мною" . И приведоша его и рече и: " Воспой, еже умееши" . И той рече: " Что имам воспевати? Точию се: проклят буди день, в онь же родихся" . И рече Луцыпер: " И еще воспой!" И той воспе: " Проклят буди отец и мати, иже меня родиша" . И рече сатана: " Паки еще добрейши воспой." Тогда той окаянный рече: " Что имам вящше пети? Токмо се: проклят буди, иже попусти мя родитися" . И рече диавол: " Таковую аз песнь от тебе ожидах" . И рече диавол: " Поимите его и ведите в место, иже себе приуготова" . И в том часе восхищен бысть и ввержен бысть в студенец адский, и бысть ввержением его таковый гром, яко бы весь свет и вся, яже на нем обвалися. От сего же камекарий возбудися во страсе и трепете, тече ко господину своему и, раскрыв, обрете его бездушна. И поведа сие, еже слыша и виде, всем людем, сам же, оставя все, и шед пострижеся и до кончины истинному богу верно послужи, дабы на оныя муки, в них же видя временнаго господина, не пришел.

Wielkie Zwierciadło Przykładów [ed. Kraków, 1621], Piekło, X.

Cet exemplum est très proche du numéro 224.

• EnferHellHölleInfiernoInferno
• VisionVisionErscheinungVisiónVisione
• torturetortureFoltertorturatortura
• DiableDevilTeufelDiabloDiavolo
• PunitionPunishmentStrafeCastigoPunizione
• ConversionConversionBekehrungConversiónConversione
• ChantSongGesangCantoCanto
• FeuFireFeuerFuegoFuoco
• boissondrinkGetränkbebidabevanda
• LuciferLuciferLuziferLuciferLucifero

Tubach Frederic C., 1969. Index exemplorum. A Handbook of medieval religious tales, Helsinki.:

• #505 : Bath in hell and rich man. A vision of hell shows a rich man in a horrible bath because he loved his riches too much. H497 # 235. (© Frederic C. Tubach)