О величестве славы имене святыя троице и о возгорении монастыря. Извествует Петр наставник обители: есть, рече, монастырь Мартионьский, в нем же, отлучившися мира, дщери царския и инии благородныя девицы постригахуся, многотрудное во мнозех подвизех жительство проходяще и в зельнейшем воздержании живуща. Прилучи же ся близ монастыря того великому быти возгорению и уже ближняя пожигающу и монастырю загоревшуся. Людие же стекшиися к пособию ничто же успеваху, вопиюще ко инокиням, повелевающе им изыти. Они же обещание свое, еже даша пред богом и ангелы его, еже не исходити, не хотяху низложити себе и изыти, глаголюще: «Мы сим хощем временным огня сожжением избыти божия гнева и огня гееньскаго». Но уже всей обители огнем запалившися, тесне тей сущи. Притече же и Гуго архиепископ, увещевая и заклиная, извествуя: «Яко самоубийцы осуждение приимете!» и наставника духовнаго отца их имя помяну, яко повеле им изыти. Но никако же возможе понудити изыти. Но едина от них, великих и благородных дому и святаго жития девица именем Гисса отвеща, глаголя ко архиепископу: «Отче великий, любовь божия и страх его, учение же и повеление наставника нашего затвори нас зде даже до смерти. И сею смертию огня хощем убежати вечныя смерти и гееньскаго огня. Да всеть твоя святыня, яко ничто не понудит нас ис покаяния сего и из обители сея святыя изыти, ниже кая от нас ноги на исшествие подвигнет. Молим тя убо, не повелевай нам, еже послушати, не хощем бо, но убо в место еже послушати нам от огня изыти повелеваеши, паче же и должно ти есть запретити огневи, дабы нас бежал». Сия же слышав, архиепископ великой вере их и упованию удивися, воздевше руце свои на небо, возопи: «Во имя отца и сына и святаго духа за веру и упование девиц сих отступи, огню, от жилища рабынь божиих и никоего же зла к тому не сотвори». И тако в той час паче многия людския силы огнь преста и угасе.

Ce récit est sans doute un ajout de la traduction russe à partir de sources occidentales.

• TrinitéTrinityDreifaltigkeitTrinidadTrinità
• IncendieArsonBrandIncendioIncendio
• FeuFireFeuerFuegoFuoco
• MonialeNunNonneMonjaMonaca
• MonastèreMonasteryKlosterMonasteriomonastero
• évêquebishopBischofobispovescovo

Tubach Frederic C., 1969. Index exemplorum. A Handbook of medieval religious tales, Helsinki.:

• #2034 : Fire avoids convent. Nuns refuse to leave their convent to escape a fire; the fire miraculously avoids the convent. H405 # 571, H479 # 5.– Pat.Lat. XXIX, col. 889. (© Frederic C. Tubach)