О дву куграрях како един покаяся и другаго коварным образм спасе. Повествует святый Августин: бывша неции содружебнии себе и совокуплении единонравными лукавыми делы два друга, влачащеся между человек и лукаво омрачающе и прельщающе многих. Един убо тех покаяся и от подруга своего отлучис и в некоей яме или вертепе, ю же обрете в лесе, скрыся и много лет творя жестокое покаяние и зело сотворис добродетелен. Подруг же его удивляшеся отшествию его и не зная, камо ся дел, и всю ону землю обшед, подруга своего со тщанием ища. И услышавше от неких, яко человек некий в таковом и таковом месте в оном лесе крыется в пещере, и нача мыслити глаголя: «Егда се есть друг мой?» Тече же немедленно, прииде, провождаем некими до места, и виде, яко той есть, возрадовася и нача его льстити и прельщати, сказуя, яко в мире велие гобзование, человецы же простейши во нравех. «Аще, рече, ты изыдеши, то многое купно с тобой богатьство обрящем». Обаче оный, водружен сый во страсе божии, никако же к нему удобь приложися. Той же непрестанно и неотходно словесы из вертепа того извлечаше, и он, воспомянув не прежнее свое куглярство, то есть обманьство, паче же мню сие от духа божия бысть, домыслився не точию своег прельщения избыти, но и подруга своего уловити, и отдав свою мысль за вымысел, яко бы сложися к воли его, рече: «Аще можещи, брате мой, камень от устия отвалити и мене изъяти, то пойду на первой си наш обычай с тобою». Ямина же та отвсюду заграждена, точию же мало едино оконце имея, и то великим каменем покрывашеся. И возрадовася куграрь, яко же обрете злый свой прибыток, вступи наверх, камень отвали и подруга извлече. И возрадовашеся друг другу и облобызастася, поидоста вкупе, поминающе, како прежде человек престаша прельщати и како бы ныне придобыти на первые дни в потребу и киими образы. И подруг лакомый с радостью рече: «Возвратися, любезный мой друже». И абие ста иже в ямине бе пустынник и рече подругу своему: «Аз, брате, забых мешек серебра в вертепе еще перваго добытия, - возвратимся паки». И пришедшт ко оной ямине, рече подругу постынник: «Брате, аз, многими леты в вертепе седя, силы лишихся. Сниди ты и в головах ложа моего возьми мешок со сребром и изнести». Той же немедленно в вертеп спустися. Пустынник же со тщанием на устие камень привали и кугляра подруга своего добрым лукавством перелукавя, сниде же ко оконцу, рече: «Возлюбленный мой брате и товарищу, имам надежду в щедротах божиих и яко аз поправихся, такожде и тбее хощу. Молю ти ся, седи толико же и плачи за грехи своя, ими же прогневахом господа бога и коварственным образом обольщающе братию нашу человеков, их же подобаже яко самех себе любити. Мы же диавола любихлм и по воли его служихом. Прошу седи и кайся о злых своих». Кугляр же, уповая, яко глумится, паки чая изыти, прося его да испустит. Пустынник же болши вертеп заключи и возвести ему грехм его вспоминая суд и муки и увещая духовыми словесы и усердно ему служа и бога непрестанно о нем моля, о иже твердо постави, иже его не успустити, напоминая ему. Он же от исперва гневаяся, и помалу молитвами брата умилися и благодатию божиею во благую волю обратися, и тако оба в пещерах преподобно поживше скончашася.

Wielkie Zwierciadło Przykładów [ed. Kraków, 1621], Nawrócenie, XXV.

• rusetrickListastuciaastuzia
• reclusrecluseEinsiedlerreclusorecluso
• cavernecaveKavernecavernacaverna
• ConversionConversionBekehrungConversiónConversione
• amifriendFreundamigoamico