Ответ блаженнаго Нила к пришедшим слово утешения слышати. Егда многое множество по различию жительства человек приидоша ко блаженному Нилу, просяще у него слова утешения, отец же, видев сих и еще грядущих, смутися, яко токмо слухи наполняют, добра же творити не прилагают, и глаголя: «О боже великий Иисусе Христе, избави нас от сетей чюждаго и подаждь силу в плодоприношение добра, слышати сим слово твое, не восхотех ничто же от себе реши вземлю книжицу». И по заемном поздравлении седе, обрете же ся в разгнутии книжицы объявление святому Симеону Столпнику, и повеле некоему чести, идеже написано, иже от десяти тысящ едва может обрестися оправданна едина душа, иже сподобися поятия ангельскаго. Сие слышаше вси уничижиша, глаголюще, яко сие есть еретическое, и рекоша «Разве аще всуе крестихомся и крест святый почитаем и комкание приемлем». И вси противными словесы метаху на блаженнаго учение, яко ничто же прилично к тому глаголют. И нача святый любезно вещати: «Верно ли вам возмнится тая же вещающих Василия Великаго и Иоанна Златоустаго и преподобнаго Ефрема Сирина и Феодора Студита тожда держаща, и апостола самого евангелие святое? Тако вы духу святому противитеся и суетно правды словеса еретичеству приписуете, сами неправедно живуща. Глаголю бо вам, братие, аще и идоли оплеваете и господу веровасте, и аще кто еретичества отлучися и кто святей церкви приступи, не возмете никоея же мзды от господа, аще добродетелей не стяжете, но и муку приимете». Сия егда услышаша, вси рекоша: «Горе нам, бедным!» Видев же отец Нил митрополита Каклаврийскаго и иных грешников, бывших зо ужасе и в недоумении. Тогда един рече: «Отче святый, како же речеся во евангелии, иже аще кто напоит чашею студены воды, не погубит мзды своея?» И рече святый: «Иже ничто же имать и в скудости пребывает, то от того даже и до возгорения воды. Вы же что творити начнете и кий ответ дадите, иже убогим и хладную воду отъемлете, яко вы не слышасте: горе, иже умножают себе несущая своя и премудрая, закалая сына пред отцем, тако и приносяй богу от стяжания нищих».

Wielkie Zwierciadło Przykładów [ed. Kraków, 1621], Chwała niebieska, VIII.

Ce récit est sans doute un ajout de la traduction polonaise à partir de sources occidentales.

• Saint Nil du SinaïSaint Nilus of SinaiSt. Nilus der ÄltereSan Nilo del SinaíSan Nilo il Sinaita
• salutsalvationHeilsalvaciónsalvezza
• sermonsermonPredigtsermonsermone