Колико зло и велия злоба и мерзость пред богом грех нечистоты паче же прелюбодейство. Воин некий именитый впаде во оное зло: от своея бо жены прелюбодействова со иною. И некогда шедшу ему на злое дело, жена же его ожидая чая его у некоего друга быти, приседя у оконца зряше. И абие грядушу ему узревше его нача вопити страшным гласом. И услышаша домашний госпожи глас, вскочиша и, егда точию господина узревше, начаша вси бегати от него и вопити: «Демон, демон!» На той же глас пси притекоша и абие токмо узреша вищав вне двора утекоша. Сия видя, воин уразумеяся быти гневу божию и зрака доброты отъятие, отиде от дому своего, да не убиен будет от своих. Ожидая же дня хотя греха своего исповедатися. И егда бывшу дни, тече ко церкви. Веси же оныя, идеже бе церковь, пасяхуся стада скотов при пути том. И токмо надходящу ему, страшным рычанием возревеша и разно устремишася, такожде и пастырие, друг друга не сведуща, толико его бог озлообразил и зрак человеч отъя, яко никое таково от земных, ниже от воздушных, ниже сам демон таков скаред, егда кого страша мечтателно покажется. Егда же тому приближившуся к церкви, стояще бо вне веси на поли, священнику же вне дверей стоящу и правляше правления молитвы и токмо его узре назнаменався крестом и едва увалися от страха в церковь и дверь заключи и весь трепеща. Воин же оный притек к церковным вратом, паде на лицы своем, плачася зело и вопия ко священнику: «Умилосердися надо мною, грешником бедным и скверным, помилуй мя, зрака доброты скверными делы лишихся. Приими мя в покаяние погибающего. Несть призрак, яко же видеши, но оный воин»,— и имя свое возвещая. Священник же, не смея изыти, но повеле ему при празе церковном покаяние творити, оный же со многим сокрушением, реки слез проливая, исповедаяся и прием епитимию и абие скверное обличие отъяся от него и зрак доброты направися.

Wielkie Zwierciadło Przykładów [ed. Kraków, 1621], Cudzołóstwo, VI.

• AdultèreAdulteryEhebruchAdulterioAdulterio
• ChevalierKnightRitterCaballeroCavaliere
• visagefaceGesichtrostroviso
• DiableDevilTeufelDiabloDiavolo
• PeurFearAngstMiedoPaura
• ConfessionConfessionBeichteConfesiónConfessione

Tubach Frederic C., 1969. Index exemplorum. A Handbook of medieval religious tales, Helsinki.:

• #55 : Adulterer disfigured. A knight became disfigured after committing adultery. Pelbart # 244, # 290. (© Frederic C. Tubach)