О прелюбодеянии и покаянии в силе словес — поздравление богородице зело полезно. Воин некий славный, имея жену благоумну и добронравну, живше во благословении божий, в законе господни много лет и наветом противнаго, паче же на красоту некия вдовы близ себе живущия прельстися, с нею же во своем саду под единем древом прелюбодеяние содея. И по сем спящу ему в храмине со оною своею женою, и се жена его начав в полунощи ужасно вопити, и муже возбуди, и вопрошайте муж ея вопля вины. Она же плачущи глаголя: «Зело во сне ужасохся, господине мой», и сия рекши паки нача спати и помале паче перваго и страшнейши воскрича, и муж нача ю вопрошати паки: «Что ти бысть во сне?» Она же, едва в чювство прииде и мужа осязая, нача глаголати еще захлипаяся рече: «Видех тя в саде нашем под древом онем (и место назнаменова): мучитель злый некий, пришед, тебе зело мечем острым посреде самого сердца прободе. Сия видевши, аз зело ужасохся и в жалости возопих». Сия слышавши, муж ея проразуме велию души своея рану, ю же проби сердце его грех смертный, но увеща жену свою паки спати, глаголя, яко не сотворися ему ничто же. И тако нощи прешедши, егда же день бысть, паки рече к жене своей, яко не имела еси благополучнаго себе сна, но престрашився мечтательством сонным, того ради, слушав святую литургию, преупокойся, аз же буду ждати приятелей на обед. И по совету мужа, слушав жена литургию, нача спати, муж же ея, слышав, яко спит, посла по исповедника своего иерея, и прииде иерей. Умоли же его пойти с ним в сад его под оное древо. И приидоша купно, и поверже себе к ногама иерея, источники слез проливая, исповеда великий грех свой. Иерей же наказав даде ему епитемию покаяния во изправление, да на всяк день преблагословенней деве и богородице Марии пятократно поздравление, еже есть «богородице дево, радуйся благодатная Мария», приносит. Той же прося епитемии вящшия. Иерей же рече: «Довлеет». И тако им пришедшим и седшим ясти брашно купно со своим пастырем, и егда точию седоша, возбудися она предобрая его жена и спешно от ложницы текущи, охапи мужа своего о выи, нача его лобызати. И рече муж: «Что ти бысть, не обычно бо се тако твориши» . Она же рече: «Не возмогла, любезный мой, от радости воздержатися: видех бо тя под оным древом, пришед некий врач и приложи к ране сердца твоего пять неких шипков и уздрави тя. И аз видев тя здрава, возбудихся в радости, то есть вина безгоднаго моего лобзания». Священник же той удивися и велми хвали бога за неизреченное и скорое его милосердие.

Wielkie Zwierciadło Przykładów [ed. Kraków, 1621], Cudzołóstwo, VII.

• AdultèreAdulteryEhebruchAdulterioAdulterio
• ChevalierKnightRitterCaballeroCavaliere
• Ave MariaAve MariaAve MariaAve MaríaAve Maria
• FemmeWomanFrauMujerDonna
• jardingardenGartenjardíngiardino
• arbretreeBaumárbolalbero
• RêveDreamTraumSueñoSogno
• ConfessionConfessionBeichteConfesiónConfessione

Tubach Frederic C., 1969. Index exemplorum. A Handbook of medieval religious tales, Helsinki.:

• #57 : Adulterer pray five Aves. The priest has an adulterer pray five Aves. His wife sees him wounded in a dream and healed by five roses. (See also: 423 439). Pauli # 286. (© Frederic C. Tubach)