О некоем клирике, иже в суеты и молвы житейские влаое себе и от наказания недуга милосердою богородицею избавися настоятельством хранителя своего ангела — зело полезно. Клирик благочестивый, зело прилежный и верный ко пресвятей богородице, препинанием же врага душ в мирския мятежи и молвы вдаде себе. Обаче веры и упования иже к богородице никако же не отлучися, но со всяким благоумилением благоверно со страхом пред образом честным на лицы падши, ангельское поздравление принося и к сему присовокупно глаголя: «Благословенно чрево, носившее тя, Христе Иисусе, благословени и преблаженнии перси, иже тя, избавителя нашего, воспиташа». Понеже не хощет никому же погибнути, изведе его, яко сына, наказав от пути злаго, волителницы милости благодатию. Впаде бо той клирик в тяжкую и страшную болезнь. Толик бо недуг его бе, иже уста и язык зубы яко ножем оттерзая и отревая, но и протчим бы частем тела своего тожде сотворил, аще бы своеволие получил. И тако ему страшным взором и видением лежащу, узре при возглавии своем некую светлость и прекрасную обличность человеча зрака, бе бо ангел его, иже недужнаго своего беду сице оплакуя: «Что сие есть, о госпоже царице небеси и земли, что се, источниче благости и щедрот? Се ли возда мне хвалы и приязни, иже име к тебе раб твой? Како и колика язык той, иже тя и чрево твое, и перси, и рождество многими леты толиким усердием прославляше, бедствует? Веси, владычице, яко ни о чем же толико печашеся. О госпоже! аще ты забудеши своих, то кто даст помощь чюждим? Ни, благая, ни, царице, да не посрамится и ни во что же да будет человеческая наша надежда, аще в тебе прибежища не улучат, то от кого избавление улучат?» — Сие егда при ушесех тонким и сладким гласом страждущаго изречеся, и се премилостивая и преславная скорая всего мира помощница тщательне приспе и яко премного милосердая отпуста прося рече: «Отпусти ми, яко укоснех ти помощи в злоключении твоем, остави ми, яко оскорбих тя». И к болящему приближися и, вземши пресвятыя своя и непорочныя перси, даде дева по благодати тоя некоему видети, яко во уста страждущаго пресвятаго млека росу происпусти и ко устом руку приложив, рече: «Се здрав еси!» И абие вскочи, аки николи же боле, и ни следа рвения недуга же и торгания устен и языка обретеся. Ища же припасти помощнице, но невидима бысть. И толикое ея неизреченное яко матери к чадом к человеком милосердия, аще бы язык того умолчал, камение бы возопило и воздали глас к славе богородице за толикую неизглаголанную благодать и злаго недуга избаву и поступников дара благодати всем. Ибо сие и везде проповеда и о всех благодарение и хвалесловие благодатней матери принесеся. Приемый же милость таковую оный клирик вся житейския своя вещи и самого себе отдаде богу и бысть убо мних чюден и искусен.

Wielkie Zwierciadło Przykładów [ed. Kraków, 1621], Maryja Panna Przenajświętsza, II.

Un récit apparenté à celui du Velikoie Zertsalo (provenant du recueil marial " La toison de laine couverte de rosée" par Dimitri de Rostov, paru en 1683) devient sujet de l’icône " La Vierge guérisseuse" vénérée jusqu’à nos jours. Dimitri de Rostov mentionne Pierre Damien comme sa source.

• bouchemouthMundbocabocca
• ClercClerkKlerikerClérigoChierico
• LaitMilkMilchLecheLatte
• ApparitionApparitionErscheinungApariciónApparizione
• MaladieIllnessKrankheitEnfermedadMalattia
• guérisonrecoveryGenesungcuraciónguarigione
• angeangelEngelángelangelo
• ApparitionApparitionErscheinungApariciónApparizione

Tubach Frederic C., 1969. Index exemplorum. A Handbook of medieval religious tales, Helsinki.:

• #5109 : Virgin, Blessed, breasts of. A clerk was so devoted to the Blessed Virgin that an angel showed him the joys of heaven and the Virgin allowed him to suck her nipples. (See also: 7 72). libri8-III #75 . (© Frederic C. Tubach)
• #772 : Breasts of Virgin give wisdom to monk. (See also: 5109). libri8-III #23 .– de Vooys, p. 87. (© Frederic C. Tubach)