О еже слушати святое пение паче же литургию с прилежанием и умилением. Три инокини девы идоша на освящение некоего храма. Прилучи же ся в том храме купно с ними слушати божественную литургию духовным и святаго жительства иноком. Един же от них протчих изящнее, и той егда прииде время освящению даров бысть во исступлении ума и узре ангела, снизшедша с небесе и несуща венец прекрасных цветов и возложи на главу единой девице. Тако же и вторый снес венец от белых благоуханных цветов и возложи на главу второй. И паки зрит демона идуща и несуща старую некую гнусную одежду и некую игру, удари же третию одеждею тою во главу и нача пред нею вертетися и играти. По святей же литургии по многом размышлении инок той восприим во ум инокинь вопросити и вопроси, кая что во время святыя службы помышляла. И первая отвеща: «Аз помышлях, рече, о спасительных страстех спаса нашего и о терновом его венце и о неисчетных ранах, их же понесе нас ради на теле своем». Инок же рече: «И аз видех ангела божия снизшедша и возложивша червленый венец на главу твою». Прииде же особь ко вторей, вопроси ю, яко же и первую. Она же отвеща: «Аз, рече, помышлях, еже каковый бе приход спаса нашего и рождество его несказанное, иже во младенчестве кротость и любезность и благоуветливство ко святей богоматере, такожде святость и великолепную славу матери его Марии». Инок же отвеща: «И аз видех ангела, снизшедша, венец белый драгих цветов на главу твою положивша». По сих же вопроси и третию, что и та помышляла, стояще во время святыя литургии. Она же отвеща: «Аз, рече, стоях и печаловах, яко литургия продолжися, и бых во унынии, ожидая конца, дабы шла на торг и купила бы одежду, и дабы была при веселии». Инок такожде поведа и той, что ей бысть от демона.

Wielkie Zwierciadło Przykładów [ed. Kraków, 1621], Pielgrzymowanie, [I].

• MonialeNunNonneMonjaMonaca
• MoineMonkMönchMonjeMonaco
• MesseMassMesseMisamessa
• penséethoughtGedankepensamientopensiero
• couronnecrownKronecoronacorona
• VisionVisionErscheinungVisiónVisione
• angeangelEngelángelangelo
• DiableDevilTeufelDiabloDiavolo
• VêtementClothKleidungVestidoVestito
• PassionPassionLeiden ChristiPasiónPassione
• NativitéNativityGeburt ChristiNatividadNatività