О еже подобает святых божиих яко предстателей и помощников стяжати и прилежание и веру имети к ним. Епископ некий добродетелный великаго апостола первозваннаго Андрея между всеми паче же и над вся святыя почитая и великую веру име к нему и аще что творя, всегда приглашая во славу божию и святаго апостола Андрея. И взавиде святому тому епископу древний ратник и враг человеческих душ диавол и всю хитрость свою и злобу поостри, яко да низложит его. Воспия убо на ся образ прекраснаго обличия девы и яко от иныя земли странница прииде и посла ко епископу, яко да хотя от него исповедатися. Епископ же, слышав сия от тех, их же сия с сим молением приела, посла с теми же повеление, да исповесться пред священником, иже у него живяй. Но она поведа, яко разве его иному же никому тайныя своея совести не откроет. Сия епископ слышав, усумнеся и повеле ей прийти. И пришедши ста ко исповеданию и рече: «Молю тя, святый отче, покажи ко мне, страннице, отеческую милость, яко видиши мя — во младых летех есмь, во мнозей же чести воспитана, понеже рода царьска. Приидох же ко святыни твоей во страннической сей одежди, избежав от отца моего сея ради вины: восхоте убо отец мой дати мя некоему князю в жену, аз же обещахся девствовати и обручихся безсмертному жениху Христу. Того ради пред отцем моим отрекохся брака. Отец же мой принуждаше мя и претя грозою, и аз паче избрах странствие терпети за любовь господню, да сохраню ему веру мою. Слышав же о твоей преславной святости, прибегох под кров молитв твоих, да обрящу себе милостива бога, яко да накажеши ми, како спастися, и даси мне место удобное, яко да в трудех и молитвах молчание имею». Сия слышав, епископ удивися неизреченней ея доброте образа и горячести духа и, уповая истинно быти дщерь цареву, благоуветливо отвеща ей: «Буди без печали, госпоже и дщи, и уповая, яко его же ради сродства и вся благая мира сего отвергъши, пришла еси ему служити, не оставит тя, зде убо поможет ти благодатию своею и тамо прославит совершенно. Такожде и аз во имя его елико могу требованию твоему послужу и место ко спасению твоему удобное изберу. Обаче не отрецыся, понеже время обеда, брашно вкупе да снемы». Она же, слыша сия, поклоняяся ему, глаголя: «Да не будет позор великий святости твоей!» Епископ рече: «Ты убо яко странница угостишися при множайшей братии и никое же будет непщевание». И приидоша ясти. Егда же седоша по чину и обыкновению, той же повеле епископ против себе сести, и ядущим им. Епископ же уязвлен бысть зрением на ону девицу, не може бо очес своих инамо отвести и ясти преста, токмо на ону взирая, и уже готов бысть к совершенному падению и ища в сердцы своем места беззаконию, еже отвести сию во особную храмину и точию еже восстати и пойти. И се некий прииде странник, толкий во врата и гласом крепко вопия, прося видети епископа, епископ же вопроси ону странницу, аще угодно ей, да его пустит. Девица же рече: «Аще яже аз предложю гадание, и той разрешит, тогда волиши пустити, аще ли же ни, да отженется». И угодно бысть сие епископу, и иже с ним, и рече девица: «Повели вопросити о сем странника, в чесом есть вящши удивления, в онь же в малей вещи сотвори господь?» Тогда сие страннику поведано бысть, и отвеща странник: «Различие вида лиц, понеже между всеми человеки, иже быша и будут, два во един образ обрестися точни не могут, тако же во оном малом творении удивително , яко всесилный бог всем усобичный разум и смыслы телесныя разлия и расположи». Сие егда от странника решение принесеся, вси удивишася, яко премудро разеуди, и паки рече девица: «Аще второе гадание предложит, тогда да похвалится». И рече: «Да вопросят его, отче, где есть земля выше неба?» И сказаша сие у врат сущему страннику, он же даде предложение: «Тамо земля выше небесе, идеже седит тело господа Иисуса, ибо выше ему премирнаго небесе превознесенну есть же тело Христово яко наше тело, наше же тело — существо земли и матерняя нам есть земля, ибо спаситель наш в тленную нашу плоть облечеся кроме греха, и тако идеже тело Христово есть, тамо земля превыше небес есть». И принесоша ответ, иже у врат странника, вси ужасно премудрости его удивишася. И рече паки девица: «Несть сие дивно! Третие подобает предложити гадательство. Аще ли же сие разрешится, верное премудрости свидетельство отнесет, и позван будет ко отцу епископу на обед». И рече: «Вопросите его в малых сих, колико имать растояние небо от земли, колико лактей, колико крок?» Слыша сие гадание, оный уже у врат странник ко принесшему речь рече: «Иди и рцы к пославшему тя,— он сие весть и да скажет вам,— он убо путь сий премерил есть, егда с небесе со отцем своим Люципером до ада низвержен. Извести убо епископу, ибо сия девица, иже сказася яко царьская дочь, то есть враг диавол». Сия слыша, посланный трепетен прииде и вся сия исповеда, и егда вси во ужасе вострепеташа, древний же ратник и враг из среды их исчезе. Епископ же едва в себе прииде, жестоко сам себе обличая и за грех каяся, премноги слезы изливая. Повеле же с великою честию призвати иже у врат странника, и не обретеся нигде же. Тогда позна епископ, яко благодатное посещение и избавление его от бога бысть. Повеле созвати вся люди и всем сие со слезами исповеда, каяся о гресе своем, яко уже прекло нися к злому, моля же и заповедая, да восприимут вси молитву усердну и пост приятен, да известит преблагий бог, кто той пришлец, бывый и у врат пришествием своим сохранивши его, и божественным откровением известися некоему, яко пришлец той святый первозванный апостол Андрей, к нему же той епископ премногую любовь имея, заступника его стяжа. Сия епископ слыша, премножае всего себе отдаде во благодать апостола.

Wielkie Zwierciadło Przykładów [ed. Kraków, 1621], Niewiasta, XI.

• FemmeWomanFrauMujerDonna
• DiableDevilTeufelDiabloDiavolo
• évêquebishopBischofobispovescovo
• QuestionQuestionFrageQuaestioQuaestio
• AndréAndrewAndreasAndrésAndrea
• pèlerinpilgrimPilgerperegrinopellegrino
• TentationTemptationVersuchungTentaciónTentazione

Tubach Frederic C., 1969. Index exemplorum. A Handbook of medieval religious tales, Helsinki.:

• #214 : Andrew, St., three questions asked of. A bishop, devoted to St. Andrew, is tempted by the devil in the shape of a young woman. St. Andrew appears in order to protect him, and the devil insists that he answer three 5uestions: 1) What is the mightiest act of God? (That he made man in different shapes); 2) When is earth above heaven? (When God in earthly form sits on his throne); and 3) How far is it from heaven to earth? (The asker has had a chance to measure it). The woman disappears. (Var. Told also of St. Bartholomew.) Aev. # 24; Alpha # 67; Enx (G) # 332: H66 # 75, H540 # 30, H568 # 115, H641 # 33, H674 # 1, H679 # 34, H707 # 8; Klapper, Erz. # 200; Recull # 58; Spec. Laic. # 184; SM: H543.1.– BP III, 15; Espinosa, Cuentos II, p. 101f.; Festial # 2; Grimm # 125; Köhler, Kl. Schr. II, 14; Krappe, Sources, p. 45 # 405 (332). (© Frederic C. Tubach)