Како не терпит враг диавол идеже союз любве и чего собою творити не может творит человеки паче же бабами. Иде путем некая жена стара, наиде юношу седяща прискорбна зело и держаща на лоне своем мех сребра полдный. И вопроси его баб она, чесо ради прискорбен сидит и очем печалует. Он же рече: «Сотвори ми сей человек, - имя ей рек того, - много зла. Аз же за се хощу ему воздати, но не могу. Домышляюся между сим и женою его вражду вложити, ео как - не вем: аше и диавол есмь, но в словесех не имею художества, не могу сего сотворити, чесого желаю, вем же, честная жено, яко глаголы твои детелны. Вдаю ти сие сребро, дабы ты сотворила, яко же ми годе». Баба же прия сребро от диавола глаголя: «Аз, рече, по воле твоей сотворю». Тогда она баба нача входити чатовека оного в дом, признася убо и вверися, а и до сего знаема ему бысть, и помалу нача жене шептати, глаголя: «Муж, рече, твой взаемное обещание от тебе разруши; видех аз, некую девицу, к мужу твоему пришедшу и прият некую одежду за дело нечистоты». К мужу же шедше, рече сказуя: «Егда аз у службы божия бых и стоях в тайне месте, жена же твоя совещашеся на осквернение ложа с некоим клириком и назнаменаша место, где им сшедшимся дело скверное соделати». Таковой злой бабы начаток злой свады, его же всякой злобы художник диавол многими лукавствия образы не возможе совершити, сие баба в кратце времени сотвори, купив тайно некую одежду и посла к девице. Сие жена она узревши, бабы уже словами надхненна, все зло о мужи своем разуме и егда не вечери в печали своей ясти не хотя, мужу же впаде в сердце, иже о клирике сумнение онем, иже ему баба сказа, нача помышляти, и оттоле паче велий надзор над женою своею возиме. И тако им пребывающим, паки баба она припаде к жене, яко бы о ней зело жалела, и хотящи видети с мужем во благом совете, и рече: «Знаю аз человека добра, иже направит житие ваше. Аз же хотех вам добра , спрошати его о сем, он же мне сказа, дабы ты у мужа своего како бы могла своими руками бритвою тайно брады устригла и тыи власы в яди мужу своему да подаси, и оттоле будет блудницу в ненависти имети, а тебе паки зело любити начнет». И жена хотящи, яко же и прежде, любовь с мужем имети, положи сие во уме своем, ожидая, егда ляжет спати, сие хотя улучити. Баба же прииде к мужу, сказуя, яко жена его, согласившися с клириком, хощет его тоя нощи ножем погубити, да имеет себе во осторожности. Прииде же убо нощь, жена же тайно бритву имущи с собою, ляже с мужем своим. Муж же лестно яко бы заспа. Она же потиху хоте власов устрищи, муж же ухвати за руце ея и нача вопити великим гласом. И принесоша светильник, стекошася соседи и сродницы позвани, и бысть распря и ропот велий. Муж хотя жену пред судию вести, сродницы же и соседи не дающе сего сотворити, ведущи чистое житие их. Видев же сия, диавол рече проклятой оной бабе: «Аз убо аще и демон по естеству, но попечение сие имех много лет, како бы мужа сего с женою свадить,— тритцать бо лет сего исках и не получих, ты же сию брань не во многи дни сотворила еси. Воистинну имевши особный язык адский и достойна прияти тамо мзду свою». И восхитив ю купно со душею и телом, занесе во адская недра. Сия вся дадеся уведати священнику, добродетелну сущу, иже пришед научи мужа и жену в первую любовь жити.

Wielkie Zwierciadło Przykładów [ed. Kraków, 1621], Niezgoda, XII.

• FemmeWomanFrauMujerDonna
• DiableDevilTeufelDiabloDiavolo
• QuerelleQuarrelZankDisputaLitigio
• famillefamilyFamiliefamiliafamiglia
• vieilleold womanGreisinviejavecchia

Tubach Frederic C., 1969. Index exemplorum. A Handbook of medieval religious tales, Helsinki.:

• #5361 : Woman, old, and devil. An old woman sows the seeds of discord between a man and his wife; she is told by the devil, as he gives her the promised reward, that he is afraid of her. EdeB # 245; Enx (G) # 370; H399 # 472 (Spec. Laic.), H507 # 54, H592 # 111, H654 # 91, H678 # 25; MdM # 5; ML # 22; Mensa 18.75 (Dunn, p. 32); Pelbart # 143; Viaticum # 77; Wright # 100; S.T.: G303.10.5, J2301, K1085, S410.– Altdt. Bl. II, 81; Chauvin II, 158, 195; Germania III, 423; Krappe, Sources, p. 48 # 443 (370); Lucanor # 42; Liungman 1353. (© Frederic C. Tubach)