Простонравный некий юноша моля господа бога да подаст ему очевидно победити диавола и уби юродивую и немую деву. Егда святый и премудрый Викентий в наказании к людей воспомяну доблесть великомученицы Иулиании, и како в видимом образе бив диавола, вопрошая о всех кознех его и донели же всего не извести, ис под ног своих не выпусти, некий же юноша дивной простоты, никогда же ни о коей мирской вещи попечение имея, точию души избавления желая, слыша сия, нача помышляти и бога усердно просити, да даст ему видимо победити диавола. «Да отмщу ему, рече, иже он нас во дни и в нощи побеждает». И тако помышляющу ему и молящуся , изыде в поле един во особное место, бе же оно место травнисто зело. И той, седя в траве, паки моляся господу богу, дабы ему допустил и помог в видимей особе диавола победити. И егда ему тако молящуся, по случаю изыде на оно место некая девица, имея в руках своих серп, да ужнет на оном месте травы скотом господину, у него же она прибегая живущи, от рождения же своего юрода и девицею сущи, и бе нема, власы велицы и седы имущи, велицы же и распростерты, нос велий и лице скураво и необычно и гнусно; и велика возрастом, в гнусной одежди. Та пришедши и узревши юношу, в траве сидяща, устрашившися, побеже, крича вельми, словес не являющи, яко нема бе. Юноша же, видев знамение образа неключима и скаредна, уже бо и состареся, к тому же узре. яко серпом машет, яко бы ему грозящи, по всему мняше демона быти, рече в себе юноша: «Услыша господь молитву мою и яви ми в ыстоте врага нашего диавола. Даждь же ми, еже сразитися с ним и одолети». И вскочив и догнав, похватив ю удари о землю, глаголя: «О, пришел еси, проклятый демоне, но не преможеши мя. Довольно ти се, иже невидимыми налогами нас преодолевавши». Сие глаголя, за власы ея подымая, о землю бияше, та же нача пястьми бити ю и ногами, прием же серп, иже у нея, люте ю израни и уби даже до смерти. Егда же нача бити, сам и она кричаще, и на гласы обоих стекошася человецы, видевше юродивую деву мертву, начата его которати. Он же исперва рад бысть, яко диавола победи, егда же от человеков онех уведа, яко убитый — человек и дева юрод бысть, зело ужасеся. Его же поемше всадиша в темницу, извещенное же от него известиша святому Викентию, его же Викентий от безглавия упроси, мертвую же пред ся повеле принести и возложи на тело ея руце, призва господа, и абие дух прия и оживе. Повеле же иерею исповедати ю. Предстоящий же рекоша, яко всуе сие творити, понеже нема. Он же рече: «Не ваше сие есть, но божие: вем бо, яко речисто исповесться». И яко прииде священник, нача подробне все И ясно исповедати, яко никогда же бе нема, и возжела пречистаго тела и крови владычни и помазания иелея, и по сем всю себе господеви поручивши, при всех сошедшихся на чюдо, глаголаше и преставися паки добре.

Wielkie Zwierciadło Przykładów [ed. Kraków, 1621], Małgorzata [I].

• Saint VincentSaint Vincentiusder heilige VincenzSan VicenteSan Vincenzo
• sermonsermonPredigtsermonsermone
• DiableDevilTeufelDiabloDiavolo
• combatfightKampfcombatecombattimento
• MeurtreMurderMordcrimenassassinio
• mutismemutenessStummheitmudezmutismo
• simplicitésimplicityAlbernheitsimplezasimplicità