О вверившемся приимать на сохранение чужаго имения и запирающемся. Купец некий име от всех добру славу, и еже что от кого поручено ему, верно храняше. Обаче он умышлением у инех крадяше, иным же запирался в положенных. И некий же сосед его, слышав о нем хвалу, даде ему на сохранение много имения и по трех летех нача свое просити. Купец же, яко не бысть свидетелей ни писания, запреся с клятвою, глаголя, яко не знает его положения, ни ведает о сем. Сия же той слыша, отиде, печалуя зело. И егда ему тако идущу, срете его престаревшаяся жена и нача вопрошати вины печали его. Он же рече: «О, возлюбленная мати моя, аще ти извещу, что имам приобрести?» Она же рече: «Повеждь ми, чадо, молю тя, негли от мене добр совет обрящеши». Тогда той все свое злоключение поведа ей. Она же рече: «Имееши ли коего приятеля себе?» Он же поведа ей: «И многих!» Она же рече: «Иди и рцы единому от сих, да сотворит с тобою милость: да купит ларцов и крабиц, чюдно устроенных, и да наполнит тех камения и иных непотребных вещей и да привезет ко оному лакомому купцу, и речет ему, яко со драгим камением и со златыми суть. Ведая же о нем, яко человек правдивый и верный, и яко же иных приемля и храня, тако и того полог да сохранит, и яко бы ему отити от него в далечайшую страну. И егда той приятель твой о сем с купцем, привезшим тыя ларцы, начнет глаголати, и ты, тогожде часа пришед, да начнеши просити своего, еже ему в верныя руки препода. Имею надежду, яко той лакомый, взглядом вящего приобретения и добытая и стыда ради и обещания ко оному, дабы его не отгнати, како бы веру содержать, вем бо аз, яко все твое тебе немедленно отдаст».— Прият же человек той жены тоя совет и сотвори, якоже повеле ему: друга некоего умоли, и той ларцов и крабиц, прекрасно устроенных, с непотребными вещьми и простаго камения великаго накладчи, привезе, и егда нача глаголати, яко на ину страну едет да приимет, яко верный хранитель, полог той, той же, иже ему запреся, вниде и нача о своем глаголати, и точию назначи о вещи, отвеща купец: «Вем тя, друже, и помню положенное мне оного времени, и сие все верно тн соблюдох,— приими убо свое». И шед, взя от сокровищ своих, отдаде му все, и той взя свое, с великою радостию отиде в дом свой, хваля бога. И злый он купец и лживый блюститель вместо добрых и многоценных на лакомую свою главу великое камение обрете. Приемый же свое советом жены по смерти тоя повеле ю в диптих написати.

Wielkie Zwierciadło Przykładów [ed. Kraków, 1621], Kradzież, XIV.

• rusetrickListastuciaastuzia
• restitutionrestitutionRückgaberestituciónrestituzione
• FemmeWomanFrauMujerDonna
• ArgentMoneyGeldDineroDenaro
• confianceconfidenceVertrauenconfianzafiducia

Tubach Frederic C., 1969. Index exemplorum. A Handbook of medieval religious tales, Helsinki.:

• #3355 : Money, man tricked into returning. A old man refused to return the money entrusted to him. On the advice of an old woman, empty boxes were carried to the old man’s house; these assured him that he was to be entrusted with an even larger sum of money. He therefore gave up the lesser sum. Aev. # 93. (© Frederic C. Tubach)