Умирая, некий воин печалова иже временному служа господину, а не вечному. Пишет святый Викентий, яко раб некий долгое время марграфови некоему верно служа и любим бе от него, и в тяжкую болезнь впаде, в ней же и умре. Но егда еще сый в болезни бе, прииде к нему господин его посетити, приведе же и врачев с собою, и аще что потребует вопрошая, да известит ему. Воин же нача плакати зело, рече господину своему: «Аще за толикое верное служение мое к тебе благодатне что умыслися сбтворити о мне, сотвори от себе, или живот даруй ми, да смерти убегу, или на малый час отими от мене тяжкия болезни, да господеви истинному послужу, или егда умру, попецыся о мне, да тамо вечное блаженьство восприиму». И рече господин его: «Сие все самого единаго бога есть силы и воли, аз же во временных, аще бы желал, здравия, с радостию попеклъся бых». Рече же болный: «Погубих труды моя и служба моя и работа ни во что же». И обратися к предстоящим при нем, разливался слезами, рече: «Видите, возлюбленнии, в какове суете и праздности истощих пути моя и время мое препроводих, служа сему господину и прислужих коликия беды души моей. Быв послушлив человеку, равну себе, иже ми ниже во един час поможет от належащих тягостей: не точию вечных мук избавити, но и настоящих. О сем сердечно плачю, и печалую, и скорблю, и советую вам, да безумия моего бедствование опаснейших вас сотворит. Да отсюду таковому господину служите, иже вам в таковой великой потребе поможет, но и живот вечный дарует. Аз же, возлюбленнии, аще бы ми за вашею молитвою к первому здравию возвратитися, обещаюся по сем толико слабых господей к тому послугами не забавлятися и отнюд работати таковому не хощу, но и сему служити егда возмогу, иже силен есть всех силою своею ограждати и во всем спомогати». И сия изрекши, в таковей печали умре, велик всем своего сокрушения образ остави.

Wielkie Zwierciadło Przykładów [ed. Kraków, 1621], Śmierć i umieranie, XXX.

• MaladieIllnessKrankheitEnfermedadMalattia
• serviteurservantDienersirvienteservitore
• contritioncontritionReuecontricióncontrizione
• MortDeathTodMuerteMorte
• PouvoirPowerMachtPoderPotere

Tubach Frederic C., 1969. Index exemplorum. A Handbook of medieval religious tales, Helsinki.:

• #4301 : Service transferred to Lord. A old knight resolves to transfer his service from the King of England to the Lord who can cure his fever. (See also: 4183). Alpha # 707; EdeB # 57, # 62; H98 # 62, H402 # 518 (Spec. Laic.), H421 # 87, H437 # 85, H459 # 23, H551 # 144, H562 # 40, H567 # 103, H642 # 4, H650 # 41; Recull # 626. (© Frederic C. Tubach)