Яко всем нашим злым сами есми виновни и от злых наших врази наши демони обличают нас. Весь есть у обители святаго Назария, Гигантова наричема. В той же веси девица 16 лет нечистым духом обдержима. Сию родители ея во храм святых мученик Петра и Маркелина приведоша, и яко церковь прия и содержит, священник духа оного заклинати нача, да изыдет. И вопроси духа, како в девицу оную вниде, и нача глаголати о нем же не вопрошаху, глаголя: «Аз приятель ближний и друг Луцыпера, много лет во аде со онем седя. И не во мнозе со единым надесяте братий моих демонов оттуду приидох и низложихом и победихом царство франков,— роли, винограды и вся роды земных плодов изгубихом, забихом скоты и всяко животно и на человек моровое поветрие приложихом. Все же сие сотворихом и творим злых дел ради и злобы человеков, иже дары и приносы любят, неже правду, паче боятся человеков, неже бога, убогия и сироты озлобляют и угнетают и творят нищих; от вдов и от сирот слух отвращают, правду продают; между владеющими и судиами всеми чины премногая ложь и клятва и клятвопреступление, обжирства, пианства, чюжеложства, убийства, лихоимства, татьбы, зависти, ненависти и брат брату ни в чем же веры емлет. Никто же верно и благочестно десятину приносит, никто же милостыню от правды и усердно дает, и мняще, яко то все погибает, недель и дней святых не почитают и все творят, еже бог не повеле. И мы сие зло человеком творим, занеже творити им себе самех ходатаев злобы, да в злобе сущи, казнь на себе имеют, не исполняют бо ничего от тех, иже обещаются во крещении». Священник же, сия слыша, удивися и зело ужасеся, обаче заклиная повелевая ему изыти. И рече демон: «Изыду не твоим повелением, понеже еси сопричастник злобы людской, не наказуя сих. Се исхожду силою святых храма сего, иже ми коснети запрещают». И поверже девицу лицем на землю и яко бы мало заспа и воста здрава. И се слышавше, духовнии возвестиша цесарю Людвику, рекуще: «О, окаяннии мы! На что приидохом? Яко нечистии дуси учат нас и возбуждают волю божию творити, толикое зло сотворшим нам грех ради наших». Тогда Людвик повеле всем поститися и молити господа бога, в чем его наипаче прогневили. И четырем собором повеле быти в четырех градех, да сошедшеся расмотрят, что творится противу бога и противу обычаев, и да изыскавше исправят, зело бо премного зла бысть в та лета оному государьству: моры и прочая и нахождения противных

Ce récit est sans doute un ajout de la traduction russe à partir de sources occidentales. Peut-être le roi de France, Louis IX - saint Louis

• PossédéDemoniacBesessenerPoseídoIndemoniato
• DémonDemonDämonDemonioDemone
• PéchéSinSündePecadoPeccato
• PrièrePrayerGebetOraciónPreghiera
• JeûnerFastFastenAyunarDigiunare

Tubach Frederic C., 1969. Index exemplorum. A Handbook of medieval religious tales, Helsinki.:

• #1625 : Devil preaches in derision of prelates. H466 # 44. (© Frederic C. Tubach)