О еже коликое рвение и тщание древний царие имеша и простолюдини ко учению и почитанию книжному. Птоломей Филаделф царь египетский, третий по великом Александре, рачитель бе великий к прочитанию писания и книжному собранию. Сей от всего света собра премногою ценою много множество книг, поручи же и повеление сих возложи преписывати и хранити тех во своей библиотеце повеле премудрому слузе и сановнику своему Димитрию Фалерию, его же некогда вопроси, коликое число книг имать в собрании. Он же отвеща: «Уже имам, премудрейший царю, 200 000, вскоре же потщуся собрати да будет пятьсот тысящ», и прирече: «Слышах, великий царю, иже У жидов правдивии суть закони и писание божие изящное, и твоей суть достойни библиотеце». И рече царь: «Почто же сие не имеем?» Отвеща Димитрий: «Понеже требуют художественных и разумных человек преложения». И рече царь: «Да устроится писание о сем к высочайшему архирею жидовску, да все сие исполнит». И о сем прилагает: егда книги еврейския похваляя пред царем Димитрий, удивися о сем зело царь и рече: «Чесо ради толиких превеликих и дивных дел божиих и чюдных писем ни един историк или поета в писмах свэих не воспомянули?» И Димитрий рече: «Понеже на сие высочайшее дело дерзнути не смеша, ведуще, яко суть великаго бога чюдесная дела и пророческая духом божиим речени и велией зело чести достойни, и се ведуще, яко дерзнувший на се и к сим прикоснувшийся месть и казнь от великаго бога восприяша, иже в тех книгах проповедается; ибо ритор Феопомпус нечто восхоте от сих во своя прикесити и за сие разума изступи и тако обезумися пребысть тридесять дний. Егда же позна вину, извещением ему во сне, покаяся и таковая творити отречеся и паки ко здравию прииде. Таковое же и Феодоктови после случися, егда вложити соизволи от светлаго сего писания во своя книги,— очеснаго света лишися и позна свой грех, исправися и оздравися».— Сия слыша, царь рече Димитрию: «Мню, яко мы язычницы еллини суще, сего ради от сих писм святых сия злая страждут. Ты же, любезный Димитрие, сотвори и разшири с великою честию и зельною мольбою послание во Иерусалим к высочайшему архиерею и поели великия богу дары, да воспослет тыя чюдныя книги и премудрых и избранных мужей, во еже тыя в наш еллинский язык преложити, и тако их возъимеем». Писа же Димитрий, и царь привеси печать свою златую, и многия посла дары и с честнейшими и первыми синклита своего человеки, и умолен бысть архиерей, посла избранных и премудрых от себе, еже привести Библию во еллинский язык, 72х чюдных мужей, в них же бе праведный Симеон. И сему преводящу Исайи пророка слово «Се дева во чреве приимет и родит сына» , о сем усумнеся, ему же свыше речеся: «Не имаши умрети донде же пронареченнаго Христа господа узриши».

Ce récit est sans doute un ajout de la traduction russe à partir de sources occidentales ou byzantines.

• BibleBibleBibelBibliaBibbia
• traductiontranslationÜbersetzungtraduccióntraduzione
• RoiKingKönigReyRe