Страшный образ и страшное осуждение и недопущение до замеренных лет непослушнаго сына родителем. В наша лета, глаголет повествуяй, бысть некий юноша в Гишпании зело прекословный и непослушный родителем, суров же и жесток. И великий бе злотворец. Немалых летах до того прииде, иже во осмое надесять лето разбоев ради и иных злых и неподобных дел явных смертию осужден и повешен бысть. И еще не имея ни следа власов уса и брады. Егда же обесиша его и умре, абие израсте у мертваго того велия брада, человеком же на се со удивлением зрящим. И се бысть еще долъжайше, и ус велий сотворися. И еще прилежно зрят, видят, иже власы главы и брады оседеша и до толикаго образа прииде, яко бы до девяти десят лет. И бяше чюдом сим людие движими текоша и возвестиша сие епископу. Епископ же подвижеся прииде со множеством народа и с чином духовным, и, видев же сие удивителное чюдо, вси купно падше на колена своя воздеюще руце свои и молящеся со слезами на мног час, да явит о сем господь бог, что таковое страшное видение и пременение мертваго юноши. И услыша бог смиренный молитвы, извести о сем добродетелному тому епископу. Возведеся убо от земли и взыде на высочайшее место, рече к людем: «Велий и дивный в делах своих господь, показуя нам в сем юноши преполовение лет согрешающим, и колико лет отъемлет небоящимся его и не почитающим и непослушным своим родителем, еже есть отца и матери наказающим, презирающим и во зло уклоняющимся. Сей осужден бысть умрети от своих дел юноша. Аще же бы имел боязнь божию, покорение же и послушание к рождшим, пришел бы в житии своем до старости маститы, до сего образа, еже девять десят лет возимел бы жития. Безтрашие же божие и непокорение к родителем и злые дела его отъяша от него седьмьдесят два лета.

Wielkie Zwierciadło Przykładów [ed. Kraków, 1621], Nieposłuszeństwo, XV.

• barbebeardBartbarbabarba
• cadavrecadaverLeichecadávercadavere
• FilsSonSohnHijoFiglio
• PunitionPunishmentStrafeCastigoPunizione
• irrévérencedisrespectRespektlosigkeitdesconsideraciónirriverenza