О некоем юноше и о покаянии его зело полезно. Воин некий и юноша доброродный, много грешив и зло сотворив, некогда умилися, прииде во страх божий, и взыска иерея и покаяся, и в совершение таинъственнаго покаяния епитимию с любовию и усредием прият, но не може и сохранити. Отец же его и пастырь даде ему ину заповедь. Он же и нималаго возложения епитимий не сохрани. Сие же видев, отец его духовный и пастырь рече ему: «Ничесого тако не исправим, и осуждения не избежим, но повеждь ми сие последнее: имаши ли что от худейших сотворити и за грехи твоя правильне сохранити?» Отвеща ему воин и рече: «Есть, отче, во ограде моем яблонь едина, ея же овощ толико горек, иже его никто не может вкусити. И аще ты ми соблаговолиши и повелиши, да будет се покаяние мое, еже не вкусити от нея, донде же в житии сем пробуду». Иерей же оный растропный, ведя, яко идеже заповедь и обещание, то тамо паче за налеглостию плоти и диавола искушение соприсутьствует, и рече ему: «Добре, сыну! За вся грехи твоя даю ти епитимию, еже да никогда снеси от древа оного, видя плод его». Приим же сие, воин благодушен прииде, и рече в себе: «Сие есть правило покаянию, ничто же вменяя, понеже горести ради яблок оных ниже в руку приемляше». Но она яблонь на таковем месте стоя, яко елико внити в дом и изыти, всегда на ню зрети, противу бо очес стояша. И тако ему исходяшу и входяшу и зряшу ю, и некогда помянув заповедь, позрев на ню, и воспалися ко вкушению от плода тоя, тако и толико, яко со многим и зелным пренемоганием терпяше, зело бо приневоляем бе. И некогда случися ему в дом итти, оно древо и яблока на нем узре, от оного, иже первого человека древом прелсти и похотию порази и уби, толико приторжен и сокрушен, иже ко древу приступи, и к яблоку руку простре, и еже точию снята и ясти, и паки руку низу сведе, и похотию пребораем, паки руку возведе, и тако простирая и низводя, и в споре том день той целый преповодив и в сопротивлении сем под оным древом скончася, одолев покушению, довле сотворив покаянию и во очищение сердца достоин обретеся царства небеснаго.

Wielkie Zwierciadło Przykładów [ed. Kraków, 1621], Obžarstwo, XIX.

• ChevalierKnightRitterCaballeroCavaliere
• PénitencePenanceBussePenitenciaPenitenza
• pommeappleApfelmanzanamela
• TentationTemptationVersuchungTentaciónTentazione
• coeurHeartHerzCorazónCuore

Tubach Frederic C., 1969. Index exemplorum. A Handbook of medieval religious tales, Helsinki.:

• #314 : Apple tree and temptation. As penance, a knight was told not to eat an apple from a certain tree. The temptation was so great that his heart finally broke and he died without eating the apple. (Allegory of Garden of Eden). (See also: 3427, 3459). Caes. IV, 74 (scholar), 77; H356 # 62. (© Frederic C. Tubach)