О еже не глумится и играми не забавлятися. Света сего обложивыйся суетами и прелестьми некий юноша не хоте разумети, яко великия и святыя дни празднуемыя, и святаго воскресения день на се вчиненный, да успокоится человек от дел и забав своих, и да пребывает в богомышлении. Но мы паче в таковые дни шахами и картами и иными костырьскими науками забавляемся, и сим себе утешаем и никоея же мести не чаем. Ибо той юноша обыче с сверсники своими во играх и глумлении и объхождениих и поглядениих неподобно дни своя суетно истощевати. И во время некое в некоем дому игры и утехи сия безумныя приустроишася, пребы тамо и юноше той и иных немало костырников, и начаша играти шахами и прочими играми. Юноше же сей да явственне зрит, опреся о стол и ляже на локтя своя, и се слышит над собою яко руку человеческую зело силно притиснувши его и абие невидимо начавша бити его по главе и по плещема и по хребту, и тяжки зело задающе раны. Он же собою не владея, яко связан крепко лежа на столе, не ведая, что и сотворити, страхом бо одержим, и от бития утомлен вопити и плакати не возможе. Видев же вселютую беду свою, в скорби своей возопи душею сокрушенною ко господу богу, глаголя: «Благоуветливый господи боже, днесь обретоша мя грехи моя, и се умираю и в геенну в начале мучения схожду, не имея ни следа покаяния. О, отче милосердия, ащезрев узриши утиснение моеи призриши на грешнаго в последнем зле положеннаго и по милости милосердия своего мене недостойнаго от последния беды моея милостивно изяти благоволиши, обещаюся и не буду неблагодарен благодеяния твоего, явльшагося на мне,— но без закоснения возгнущаяся и всех лестей мира сего и служити имам тебе во вся дни живота моего». Сия едва изглагола юноша в сердцы своем, и подобная сему, и прииде глас свыше: «Аще в монастырь покаяния ради пойдеши, то телом и душею оздравствуеши». Сий глас егда юноша оный услыша, из глубины сердечныя воздохнув рече: «Се всего себе, милостиве, тебе отдаю и воли твоей милосердой поручаю и во оной обители до кончины жизни каятися иду». И егда сие изрече, биение и мучение и всяка болезнь отъяся от него. Видев же над собою удивительное божие человеколюбие, абие без всякаго коснения все оставя, пойде в монастырь оный, и пришед тамо, поведа детель своего навращения с показанием казни божия на хрепте своем; прият же быв и пострижен, и зело благоверно и благочестно поживе, тесный путь ангельский прошед. Вси иже в мире знающий его, видевше его житие, дивящеся, глаголаху: «Воистинну его же любит господь того наказует, биет же всякаго сына, его же приемлет».

Wielkie Zwierciadło Przykładów [ed. Kraków, 1621], Gra abo krotofila, III.

Ce récit est sans doute un ajout de la traduction polonaise à partir de sources occidentales.

• dédiceWürfeldadodado
• jeu d'échecschessSchachspieljuego de ajedrezscacco
• jeune hommeyoung manJünglingJovengiovane
• coupblowSchlaggolpecolpo
• ConversionConversionBekehrungConversiónConversione