Жестокий некий и любожитный человек не восхоте николиже исправится, но по смерти уповая иноческим образом спастися. Лантъграф некий именем Людвик, злотворен и тиран, сиречь мучитель, сей занурися во злобе своей и не восхоте исправитися, ни истинно покаятися, но точию к советующим о спасении его сие приказа и завет положи: «Дондеже дыхание в теле будет, не постризайте мя, но егда уже душа от тела исходити имать, тогда на мя одежду монашескую возложите». И тако сотвориша свои ему, яко же повеле: при исходе души иноческими одеждами тело уже умершее облекоша. Сие же видев, служай ему воин ко клевретом своим улыскаяся рече: «Зрите, братие, воистинну несть равна князю вашему ни в коей добродетели: ибо егде бе во здравии, не имяше себе подобна в делех ратных и тираньстве, егда же сотворися монахом, всем образ учинися добродетелей. Зрите и внимайте, како стрежет молчание, ибо отнюд ни единаго слова проглаголет». И начаша вси смеятися, но поглумление се покры страх неизреченный. Виде бо некий добродетелный клирик, егда душа его со всякою нестерпимою нуждею привлачена пред князя тмы диавола, иже седя над студенцем адъским, держа в руце кубок, сицевыми словесы лантграфа поздрави: «Радуйся со мною, приятелю мой, во веки!» И рече: «Приимите его неповредно и учтиво под руки и покажите жилища, чертоги и аптеки, погребы же и прочая, и паки семо приведите». И похватиша пси адъстии, нечистии дуси бедного и вождаху всяким мучением по местех мучения, в них же несть иного, токмо плачи зелнии и воздыхание и зубы скрежетание. По сем паки приведоша его пред началника тмы и смерти вечныя, и поднесе ему кубок, его же держа, глаголя: «Пий, приятелю мой, от кубку моего». Он же метася и отвращаяся и зело возбраняяся принужден. И егда нача пити, пламень страшный и дым зловонный из очес и ноздрей его излияся. И рече злобе началник: «Добре пил еси. Присмотрижеся прохладному студенцу моему». И откры покрытие, вверже его в студенец адъский оный, и явися страшный и смрадный великий зловонный дым и искры великия, яко главни горящия. Видевый же сие клирик оный со многим страхом и непрестающими слезами всем возвещая, оставль мирское житие, бысть монах искусный.

Wielkie Zwierciadło Przykładów [ed. Kraków, 1621], Habit zakonny, 1.

Il s'agit de Louis II de Thuringe, 1128–1172.

• MortDeathTodMuerteMorte
• DiableDevilTeufelDiabloDiavolo
• puitswellSodbrunnenpozopozzo
• VêtementClothKleidungVestidoVestito
• CistercienCistercianZisterzienserCistercienseCistercense
• PunitionPunishmentStrafeCastigoPunizione

Tubach Frederic C., 1969. Index exemplorum. A Handbook of medieval religious tales, Helsinki.:

• #4857 : Thuringia, Ludwig of. The tyrannical landgrave of Thuringia, Ludwig, had himself clothed as a Cistercian monk, but he was taken to hell and tortured. Alpha # 430; CHeist-I #27; CHeist-XII #2, CHeist-XII #3;; H350 # 3; Recull # 378.– de Vooys, p. 298; Zs. 37 38, 255 # 4. (© Frederic C. Tubach)