Отец некий, братию уча имети стражу очес, таковую приложи приповесть. Царь некий благородный посла от ближних своих в послах с некими реченьми ко царице своей и единаго по другом. И возвратися первый, возвещая царю о сем токмо, еже царь ко царице приказа, словом объяви и ничего же о царице приложи, ибо очи имея во премудром влагалищи главе, обложенной крепким разумом. Другий же вне главы и ума имея очеса, возвратившися ко царю, многими приложеньми словес великую историю предложи и рече о царице: «Тако воистинну, ваше царское величество, безценное благополучно имеет сокровище, толику пресияющую над вся жены красотою царицу, ибо аз, раб твой, никогда не точию очесы, но ниже повестию слышах толикую лепоту». Слыша же сие, царь рече слузе: «Злый рабе и злоумышление! Како смел еси злый твой взор метати по царице моей? Вижу, яко зрение твое потонку простирал еси и похотел еси ея». Сие тому изрекши, повеле привести перваго, и егда прииде, рече ему: «Како мнится тебе о царице моей» И той отвеще: «Милостивейший царю, егда аз тобою послан есмь, слово твое со всяким любочестием царица твоя прия, разумно же и премудро возответова». И рече паки царь: «И как ти мнится егда чюдныя доброты есть царица моя?» Он же отвеща: «Царю пресветлый! Твое сие, еже присматриватися царице твоей, мне же есть точию сие належало принести глагол от тебе». Сие царь слыша, положи разсуждение о сих, глаголя: «Ты, рече, имееши очи чисты не разпущены к непристойному согляданию. Повелеваю ти: буди ты ближний от советник моих и имей благополучную часть в милости моей. Оный же безопасный и безстужий и невоздержаный очесы да изгнан будет от лица моего». И рече старец: «Кольми паче мы, аще не будем страха в позрении нашем имети, не веcма ли осудимся?»

Wielkie Zwierciadło Przykładów [ed. Kraków, 1621], Oczy, III.

Les Gesta romanorum ont été traduits en russe du polonais vers 1663. Ce récit est sans doute un ajout de la traduction polonaise.

• FemmeWomanFrauMujerDonna
• RoiKingKönigReyRe
• beautébeautySchönheitbellezabellezza
• messagermessengerBotemensajeromessaggero
• regardglanceBlickmiradasguardo

Tubach Frederic C., 1969. Index exemplorum. A Handbook of medieval religious tales, Helsinki.:

• #3278 : Messengers to wife. A king sends two messengers to his beautiful wife. The first averts his eyes and reports her answer; the second can only tell of her beauty. The first messenger is promoted, the second dismissed. Gesta (O) # 220. (© Frederic C. Tubach)