О юноше некоем, иже железо его зело разженное, егда чистоту храни, не опали. В монастыри преподобнаго Венедикта юноша бысть некий, иже от самых пелен прият тамо и воспитан, и в простоте сердца работая господеви со всяким усердием. И бывши ему в совершеннейшем возрасте, поят с собою оного юношу монастыря того начальствуяй в весь некую потребных ради дел. И егда быша в веси, сташа при кузнице, да кони, на них же ехаша, подкуют. Юноша же нигде и никогда виде отнеле же и родися кузнечнаго художества, и ту виде зело красно разпалыпееся железо, прискочи и голою рукою сие объем, на долг час без всякаго сомнения держа в руках своих, превращая, дивятеся, любуя. Видя же сия начальствуяй и вси ту бывший, зело удивишася, безстрашие, безгрешие девства и чистоты силу ублажаху. И егда юноше железо положшу, паки прияти веляху испытующе и о сем воздаша славу богу дающему благодать и силу рабом. По сем отцу и наставнику в належащих упражняющуся, юноша же отлучася от него и прииде в дом ковача оного, узре же жену его и младенца на руку ея, и яко николиже в мире быв и нача удивлятися и играти з детищем. Жена же ковача, видя юношу ничесого же ведуща, о всем известившися и извопроси, покушена бо бысть от диавола, увещающи с собою в падение. И егда юноша падеся с нею, погуби первобытную свою благодать и безгрешия невинность. И быв тамо, прииде паки в кузницу, хоте яко же и прежде распальшееся железо прияти и прия; и егда рукою объят, прикипе железо к руце его и до самых костей все тело сожже. Он же от великия болезни вельми возверещав, повалися на землю. Наставник же прибеже и видя сие душею ужасеся, позна бо, яко внутреннее узвление души тело яви, яко первыя доброты, иже противу огня стоя, совлечеся, и многи по сем слезы излия, вопроси же его и известися умолче. Егда же прииде в монастырь, со всяким опаством истязуя его, юноша же позна, что сотворися и что погуби, паде к ногам его, от всего сердца со многими слезами каяся греха своего. Брака приобретением чисто от падения с чюжею плотию соблюсти свое тело. Аще ли же не тако,— ничто же приобретение брака.

Wielkie Zwierciadło Przykładów [ed. Kraków, 1621], Czystość, XVII.

• FemmeWomanFrauMujerDonna
• MoineMonkMönchMonjeMonaco
• VirginitéVirginityJungfräuligkeitVirginidadverginità
• ferironEisenhierroferro
• forgeforgeSchmiedefraguaforgia
• brûlureburnBrandwundequemadurabruciatura

Tubach Frederic C., 1969. Index exemplorum. A Handbook of medieval religious tales, Helsinki.:

• #2634 : Horse shoe, handled by monk. A monk who had never seen a woman (© Frederic C. Tubach)