О еже како множество демонов при иноческом жительстве, во всецелом же и великом граде един. Пустынножителя некоего и святаго старца во общежительство ангел божий приведе и показа тамо многое множество духов злых, иже по всех жилищах, яко мухи, летаху. Оттуду же приведе его к некоему многонародному граду, и тамо старец он во всем граде оном виде единаго демона, и сего праздна и безделна, седяща на градской башне. И егда старец ангела вопроси: «Откуду се и чего ради в толиком многочеловечном граде един диавол и сей празден, в собрании же инок во оном монастыре при всякой келлии безчисленно их, яко мух летающих?» И ангел божий отвеща: Иже во граде суть вси собою всю волю и хотение диавола творят, того ради един демон стражи ради с ними пребывает. В монастыри же вси сатане противятся, того ради толикими многочисленными своими полки духи нечистыми сатана на них воюет, ибо диавол, яко добрый воевода и великих полков началник, обыче творити: егда имать многих противящихся и хотя их победити, многое посылает противу их воинство, егда же, преодолев, победит и не могущих противу силе его стояти видит поддавшихся елико же и како хощет обрящет их готовых сотворити, тогда дает им единаго начальствующаго, дабы их в подданьстве и послушании держал». Внемлите, христиане, коему господину согрешающий поддани суть,— помыслите, кого оставляем: бога, над него же ничто же преславно, и ничто же дражайши, ничто же сладчайши. Кому же поддашася? Всезлобному и худейшему демону , иже ничто же сего заноснее, ничто же горчае, ничто же гнуснее. Устыдите же ся таковому быти послушны, прибегите ко творцу и отцу своему, от него же отбегли в чюжестранство, послушайте господа своего и творите волю его, той бо превышшая слава честь и благая.

Wielkie Zwierciadło Przykładów [ed. Kraków, 1621], Diabeł, XVIII.

• angeangelEngelángelangelo
• SaintSaintHeiligerSantoSanto
• MoucheFlyFliegeMoscaMosca
• combatfightKampfcombatecombattimento
• MonastèreMonasteryKlosterMonasteriomonastero
• citétownStadtciudadcittà
• DémonDemonDämonDemonioDemone

Tubach Frederic C., 1969. Index exemplorum. A Handbook of medieval religious tales, Helsinki.:

• #3329 : Monastery, devils swarm over. A monk has a vision in which he sees swarms of devils assailing a monastery. Enx (G) # 360; H343 # 22, H405 # 576 (Spec. Laic.), H469 # 40, H505 # 19, H547 # 93, H563 # 52, H596 # 162, H651 # 59, H691 # 49; S.T.: V230.0.1, V475.– Romania XIII (1884), pp. 233 234. (© Frederic C. Tubach)