О светем Григории чюдотворце и о навращении идольскаго жреца. Святый Григорий чюдотворец, грядый через горы Алпес в зимнее время и прииде на верх гор и не возиме ко упокоению где стати обители, но точию тамо бе аполлонова кумирница. Ста в ней святый и пренощева. Жрец же аполлонов, иерей той кумирницы, обыче в ней вопрошати Аполлона, паче же живущаго во идоле том демона, приимаше ответ и возвещая хотящая и настоящая и от того приимаше житию потребу и пищу и одежду. Егда же чюдотворцу Григорию обнощевавшу и в путь пошедшу, прииде по обычаю своему жрец оный, приступи же ко идолу Аполлону, вопрошая и желая ответа, и ничто же услыша. Сия видев, нача жертвы премножати, животныя платити, но ни во что же успе и ответа не получи. И второе нача демона жертвами ко ответу возбуждати, но ни малого гласа получи. И нача сему жрец удивлятися, недомышляяся, что творити, и отчаявся надежды отиде. В нощи же оной показася ему Аполлон, паче же рещи демон, и рече: «Что мя толико понуждавши? Аз же и на место возвратитися не могу». Жрец же вопроси его, чесо ради? Он же отвеща, «Григорий мя изгна от жилища моего». Жрец же вопроси: «И можешь ли паки место свое одержати?» Он же отвеща: «Никако ни по коему образу паки могу возвратитися, точию аще велит ми святый Григорий». Сие слыша, жрец потече в путь ко святому Григорию и постигнув прииде и припаде к нему, моля и прося, возвещая и печалуя лишения своего приобретения. И паче молит, да умилосердится и повелит богу его возвратитися на место свое и творити действа своя, еже обыче. Великий же и дивный Григорий оклюнися на прошение и моление жреца идольскаго, написа к богу его Аполлону писание сими словесы: «Григорий Аполлону. Произволяю и даю тебе волю, возвратися на место и твори, еже обыкл еси!» Жрец же идольский приим писание поклонися до земля, принесе в кумирницу и положи пред болваном Аполлона. И точию положи, абие во идоле паки нача демон вещати и ответы давати. Поп же идольский удивися бываемому, нача помышляти, колику имут силу христовы слуги, како раб его Григорий повеле, и бог его не противяся отиде, и возвратитися повеле и прииде, и тако не паче повелевали больши послушающего, кольми же паче бог повелевшаго. И тако размышляя, прелесть идолобесия отверг, замче божницу, лист же оный от Григория святаго поя с собою, погна со всякою скоростию вослед чюдотворца Григория и верже себе к ногам его, поведая еже сотворися и молит его, да милость свою явит ему: да просветит его святым крещением и приведет его к богу живу и истинну: «Его же — рече—силою повеления тебе раба его послушни бози язычестии». И святый чюдотворец Григорий зело о сем возрадовася, прия его с любовию великою и сказа ему путь господень правый, сотвори его катехумена, сиречь огласи преддверие крещения, нарече именем христианьским, и видев его крепко ко Христу прилепившася, крести его во имя отца и сына и святаго духа. И толико сей благочестно и благоверно поживе, яко по святем Григории престолу его наместник быв.

Wielkie Zwierciadło Przykładów [ed. Kraków, 1621], Bóg, VI.

• Saint GeorgesSaint GeorgeSt. GeorgSan GeorgeSanto Giorgio
• TempleTempleTempelTemploTempio
• ApollonApolloApolloApoloApollo
• païenpaganHeidepaganopagano
• ConversionConversionBekehrungConversiónConversione
• PrêtrePriestPriesterSacerdotePrete