О навращении Иосифа евреина святым и великим Василием. Изящный во врачевских науках Иосиф евреин предивное и непрелестное веждество имый в подозрении на недугующего и во объятии пульс сиречь жил, предсказуя же кому жити или умрети, ибо за много дней познавая. Сего ради евреина великий и святый Василий почасту к себе призывая и милость свою к ему являя и пути спасения уча, но Иосиф о христианстей вере ни слышати не хотяше и отвещаше, глаголя, яко в вере, в ней же родихся, и умрети хощет. Егда же великаго и славнаго угодника своего восхоте бог прияти в небесное свое царствие, посла ему весть преселения своего, от нижних на горняя. И уже в болезни быв велицей и последней, повеле евреина сего . яко искусна врача призвати к себе и вопроси его пришедша: «Иосифе, како непщуеши о моем здравии?» Иосиф же приим его святую руку и объя пульсы , содрогнув, ничто же к нему отвеща и устранився к предстоящим тихо рече: «Уготовляйте погребению приличная, уже бо умирает». Возгласи же к нему великий Василий рече: «Не веси, что глаголеши, не познав совершения». И рече евреин: «Господине мой великий! Солнце с солнцем днесь зайдет». Паки глаголет великий Василий: «Но аще до заутрия не умру, что будет?» Евреин же рече: «Ни, отче,— неудобно о сем и помыслити, ибо душа твоя едва может в теле удержатися и един час». И паки великий Василий рече: «Аще же заутра до шестаго часа жив буду, что сотвориши?» И отвеша евреин: «Главу мою хощу положити, аще жив будеши». Рече ему великий Василий: «Чесого ради о главе глаголеши? Паче умри греху, а жив буди о Христе!» Отвеща евреин глаголющи: «Вем, господине мой великий, что глаголеши и аще ты до заутрия жив будеши по глаголу твоему, то выше естественное чюдодедие о тебе будет силы божия», и паки прекословя, глаголет, яко отнюд невозможно сему быти. Святый и великий Василий, взем руку его, рече: «Аще аз до заутра жив буду до шестаго часа, крестиши ли ся?» Евреин же приложи руку свою к длани святаго, рече: «Аще сие збудется о тебе, безо всякого прекословия крещуся». И на сем отиде в дом свой. Великий же божий слуга моли господа своего и творца от несущих приводящаго еже быти, да даст ему спасения ради оного продолжения о изъшествии души до нареченнаго часа и прия, еже проси у бога : нощь ону и пришедшаго дня до шестаго часа душа его святая удержася в телеси. И егда прииде дне оного шестая година, повеле призвати евреина, уже ему помышляющу, яко тоя нощи преставися. Егда же прииде и узре великаго Василия жива, во ужасе велий зело удивися и припаде ко святым его переем рече: «Ныне истинно и правосердечно верую и проповедую, яко несть бог ин, точию бог христианский познаваем, и несть бога разве его!» И глаголет к великому Василию: «Молю тя, повели мя без закоснения во имя бога твоего крестити со всем домом моим». И отвеща ему святый рече: «Аз тя, любезне, сам своима рукама крещу со всем твоим домом». Слышав же сия, паки евреин паде к ногам его и востав, целуя десницу его, рече: «Не точию претруждени и бездействени, но умертвишася вся уди твои и неподвижна уже сила твоя, любезный благодетелю мой! Како сам крестити мя хощеши. Уже бо вижду и естественный соуз разрушея в тебе!» И рече ему великий Василий: «Имам творца и обновителя естеству моему, иже и укрепит мя сие сотворити о тебе». И сия изрек, воста от одра своего, поиде во храм божий святый и повеле ему со всем домом его прийти. Он же прииде, и великий и дивный Василий крести его со всем домом его пред всеми людми и нарече имя ему Иоанн. Присовокупи его овцам христовы ограды, и сотворив преславное сие чюдо, прииде в келлию, положися на одре своем, зело благодарствуя бога за еже еще даде аа ему странствовати мертвым телом и сотворити им сие, еже приведе к познанию его оного евреина. И еще благодарению во устех его, предаде святую свою душу в руце господеви.

Wielkie Zwierciadło Przykładów [ed. Kraków, 1621], Nawrócenie, XXVIII.

• Saint BasileSaint BasilSt. BasiliusSan BasilioSan Basilio
• JuifJewJudeJudíoEbreo
• MédecinDoctorArztMédicoMedico
• ConversionConversionBekehrungConversiónConversione
• MiracleMiracleWunderMilagroMiracolo
• MortDeathTodMuerteMorte
• MaladieIllnessKrankheitEnfermedadMalattia

Tubach Frederic C., 1969. Index exemplorum. A Handbook of medieval religious tales, Helsinki.:

• #2792 : Jew converted by monk. A Jew was converted to Christianity when he found the monk, whose death he had predicted, was still alive. Alpha # 101; Recull # 84.– Toldo, Archiv., CXVII, p. 85. (© Frederic C. Tubach)